Аравдугаар сарын 4-5-ны өдрүүдэд 34 иргэн угаарын хийд хордсоноос таван иргэний эрүүл мэнд хүнд Цэргийн төв эмнэлгийн дэргэдэх Хордлогын төвд, нэг хүүхэд ЭХЭМҮТ-д хэвтэн эмчлүүлж байна. Хордлогын төвд хэвтэн эмчлүүлж буй иргэдийн бие сайжирч байна. Нэг хүүхэд, нэг иргэний бие тааруу байна хэмээн тус эмнэлгийн удирдлагууд мэдээлэл өгсөн гэж Нийслэлийн Засаг даргын орлогч Ж.Батбаясгалан мэдээллээ.

Харин ЭХЭМҮТ-д эмчлүүлж буй 15 настай хүүхдийн бие ямар байгааг тодруулахад, Хүүхдийн бие ирсэн үеэсээ дээрдсэн боловч хүнд байна. Шаардлагатай эмчилгээ хийж байгаа гэв.