Химийн салбарын хэрэглэгч нарт зориулсан лабораторийн бүх төрлийн бараа бүтээгдэхүүний төвлөрсөн цахим их дэлгүүр Монгол Улсад анх удаа албан ёсоор нээгдсэн байна. “Грийн химистри” ХХК-иас санаачлан бүх лаборатори, химич, хими технологич, хими сонирхогчид, химитэй холбоотой бараа бүтээгдэхүүн шаардлагатай хэрэглэгчиддээ зориулж орчин үеийн дэвшилтэт технологи бүхий цахим их дэлгүүр вэб сайтыг ашиглалтад оруулжээ.

Тус компанийн https://shop.greenchemistry.mn вэб сайтаас иргэд хэрэгтэй бүтээгдэхүүнийхээ үнэ, техникийн үзүүлэлтүүд, зураг, ашиглах заавар, тухайн барааны бэлэн байгаа эсэх, бүтээгдэхүүний үлдэгдлийн хэмжээ, захиалах боломж, хүссэн газартаа хүргүүлэх, цаг хугацаа хэмнэх зэрэг маш олон давуу талууд нээгдэж байгаа аж.