Токио-Улаанбаатар чиглэлийн тусгай үүргийн онгоц өчигдөр 15.50 цагт Буянт-Ухаа нисэх буудалд газардсан. Уг онгоцоор нийт 266 зорчигч ирсэний дотор Асашёорюү аварга Д.Дагвадорж, ерөнхийлөгч асан Ц.Элбэгдорж нар иржээ. Ирсэн даруйдаа халдвар хамгааллын дэглэм зөрчиж, Буянт-Ухаа нисэх буудалд ажилласан албан хаагч, хамгаалагчдад хүндрэл учруулсан талаар зарим хэвлэл мэдээлсэн.

Харин Асашёорюү аварга Д.Дагвадорж, өөрийн цахим хуудаснаа энэ талаараа тайлбар хийжээ. "Би карантинаа барина. Харин нэг асуудал байна. ХӨСҮТ-ийг ч голсон зүйл байхгүй. Улаан бурхны үед аппарат болон агаар шүүгч тусламж өгч байсан.Би хэвтрээ голох тийм хүн биш

Асуудал юундаа байсан бэ гэвэл Японд байсан бид нарыг Токиогийн өнөөдрийн нислэгт бусад улсаас дамжиж ирсэн 57 хүнтэй цугтаа баймааргүй байнаа гэж хэлсэн. Хүнд хэцүү үе дэлхий тэр чигээрээ хэцүү байгаа энэ үед ийм өндөр эрсдэл үүрүүлэхийг гэр бүлдээ хүсэхгүй, Хэн ч хүсэхгүй
Асуудал энэ. Бусдыгаа муухай харагдуулж магад үнэн бодит зүйл нь энэ ойлгоно биз" гэсэн байна. Мөн Ерөнхий сайдынхаа үгийг ажил болгоорой УОК-ынхон минь. Гадаад улсын иргэн орж ирсэн шүү. Зарчимаа бариарай” хэмээн бичсэн байна.