УОК-ийн хуралдааны үеэр ХӨСҮТ-ийн захирал Д.Нямхүү коронавируст цар тахлын нөхцөл байдлын талаар мэдээлэл хийлээ.

ХӨСҮТ-ийн захирал Д.Нямхүү: “Өнөөдрийн байдлаар ХӨСҮТ-ээс нэг хүн эдгэрч, дараагийн хяналт руу шилжлээ. Монгол Улсын хэмжээнд нийт 141 тохиолдол албан ёсоор бүртгэгдсэн. Үүнээс 33 тохиолдол эдгэрч, дараагийн шатны хяналт руу орлоо. Одоогийн байдлаар ХӨСҮТ-д 108 хүн эмчилгээнд байна.

Насны хувьд:

• Дундаж нас: 24
• 8-64 насны хүмүүс уг вирусээр халдварласан байна.
• 15-аас доош насны хүүхэд- 5
• 50-иас дээш насны хүн- 9 байна.

Эдгэрч гарсан хүмүүсээс сувилалд 19, гэрийн хяналтанд 4 хүн байна. 10 хүний ажиглалт хяналтын хугацаа дууссан. Үүнд Францын 1, Туркийн 3 иргэн багтаж байна.

Лабораторийн шинжилгээний хувьд:

2020 оны нэгдүгээр сарын 6-наас хойш өнөөдрийг хүртэлх хугацаанд 12550 хүнд шинжилгээ хийсэн байна” гэлээ.