Д.Нямхүү: Өчигдөр 370 хүнээс сорьц цуглуулан шинжлэхэд хоёр сорьцоос вирус илэрлээ
ЭМЯ-наас коронавирусын цаг үеийн мэдээллийг хүргэлээ. Өчигдөр БНСУ-аас 172 иргэн үүргийн онгоцоор эх орондоо ирсэн. уг нислэгээр бага насны хүүхэдтэй 90, өндөр настан 14, эрүүл мэндийн шалтгаантай 42 иргэн иржээ. Ингэснээр ажиглалтанд 215 хүн шинээр авчээ. Ажиглалтаас 52 хүнийг гарган дараагийн шатанд шилжүүлснээр одоо нийт 2995 хүнийг үргэлжлүүлэн ажиглаж байгаа аж. Үүнд 0-5 насны 185 хүүхэд, 105 жирэмсэн эх, 377 архаг хууч өвчтэй хүн байгааг мэдээллээ.
Цэргийн төв эмнэлэгт тусгай үүргийн онгоцоор ирсэн 91 иргэнийг хэвтүүлэн эмчилж байна. Эдгээрийн 6 хүний биеийн байдал хүнд эрчимт эмчилгээ хийлгэж байна.
Мөн өчигдөр орон нутгийн 17 чиглэлийн галт тэргэнд зорчиж явсан 6 мянга гаруй хүнд коронавирус илрүүлэх асуумж судалгаа тандалт хийжээ. Эндээс коронавирусын сэжигтэй тохиолдол илрээгүй байна.
ХӨСҮТ-ийн захирал Д.Нямхүү: " ХӨСҮТ-ийн бүх лабораториудад өчигдөр 370 хүнээс цуглуулсан сорьцод шинжилгээ хийхэд 2 хүний сорьцоос вирус илэрлээ. Задлан хэлбэл Алтанбулгийн боомтоор орж ирэн Дархан-Уул аймгаас шилжүүлэн авчирч тусгаарласан нэг хүний давтан шинжилгээнээс болон Орхон аймагт тусгаарлагдаж байсан нэг иргэний сорьцоос вирус илэрсэн. Энэ хоёр хүн 20 ,22 настай эмэгтэй хүмүүс юм. Өчигдөр Сөүл-Улаанбаатарын онгоцоор ирсэн 172 хүний эхний шинжилгээнд коронавирус илрээгүй. Алтанбулгийн боомтоор орж ирсэн ачаа тээврийн 29 жолоочоос вирусын шинжилгээ авсан коронавирус илрээгүй.
ХӨСҮТ-ийн 50 хоногийн эмчилгээгээр 22 настай, нэг эмэгтэй эдгэрч дараагийн сувилалд шилжлээ. Ингээд нийт батлагдсан тохиолдол 227 байгаагаас 195 хүнийг эмчлэн эдгэрүүллээ. Одоо 32 хүн эмчилгээнд байна. Эдгээр иргэдийн биеийн байдлыг үнэлбэл 31 хүний хөнгөн нэг хүн хүндэвтэр биеийн байдалтай байна" гэв.
Монгол-Австрийн бизнес форумын талаар мэдээллээ
Өнөөдөр болох үйл явдал: Австрали-Монголын бизнес форум болно
АН-ын бүлэг: С.Зориг агсны амь насаа алдсан хэргийн материалыг нууцаас бүрэн гаргахыг шаардлаа
Монголын баячууд улстөрчдөд дарлуулж байхдаа таарсан увайгүй л дээ
НЭРИЙГ НЬ АШИГЛАГЧ “ЭРЭЭ ЦЭЭРГҮЙЧҮҮД” ЦӨМ С.ЗОРИГИЙГ ТАЙВАН НОЙРСУУЛ…
Ц.Элбэгдоржийг яллагдагчаар татах санал хүргүүллээ
О.Номинчимэг: "Хангай" зочид буудлын барилгыг нураах, дахин төлөвлөх цаг болсон
Б.Энхбаяр: Нэг хүн 500 саяын захиалга өгч улс төрчийг "social bully" хийсэн. Үнэ өртөг нь нэмэгдсэн байна
Либертари Нам УИХ-ын ээлжит сонгуульд АН-тай хамтарч оролцохоо мэдэгдлээ
Нийтийн тээврийн үйлчилгээнд шинэ чиглэл нэмэгдлээ