"Эрүүл мэндийн салбарын цахим шилжилт, өнөөгийн байдал, цаашид хэрэгжүүлэх арга хэмжээ" сэдэвт хэлэлцүүлэг боллоо

Aдмин / Хууль

Улсын Их Хурлын Инновац, цахим бодлогын байнгын хороо, Эрүүл мэндийн яам хамтран "Эрүүл мэндийн салбарын цахим шилжилт, өнөөгийн байдал, цаашид хэрэгжүүлэх арга хэмжээ" сэдэвт хэлэлцүүлгийг өнөөдөр (2020.09.18) Төрийн ордонд зохион байгууллаа.

Уг хэлэлцүүлэгт эрүүл мэндийн үйлчилгээ эрхлэгч байгууллагууд, технологийн компанийн төлөөлөл оролцож, эрүүл мэндийн салбарт тулгарч буй цахим шилжилтийн асуудлыг хөндөн ярилцсан юм.

Эрүүл мэндийн байгууллагууд цахим үйлчилгээг нэвтрүүлсээр ирсэн ч нэгдмэл зохион байгуулалт дутагдсаар байна. Эмнэлэг бүр өөрсдийн нөөц боломжит тааруулан цахим системийг бие даан нэвтрүүлж байна. Гэвч энэ бүх оролдлогууд иргэдийн хэрэгцээ шаардлагыг хангаж чадахгүй байгааг шийдэх шаардлага үүссэнийг хэлэлцүүлэгт оролцогчид санал нэгтэй хэлж байна.

Эмнэлгийн тусламж, үйлчилгээг иргэдэд түргэн шуурхай хүргэхэд цахим шилжилт зайлшгүй хэрэгцээтэй юм. Тухайлбал, иргэд үзлэг, шинжилгээ өгөхдөө заавал биечлэн очилгүйгээр цахимаар цаг авах, мөн шинжилгээний хариугаа цахимаар авч, эмчтэйгээ цахимаар ярилцах, тухайн иргэн аль ч шатлалын эмнэлэгт очсон өмнөх бүх хугацааны эмнэлгийн үйлчилгээ, эмийн жорын мэдээллийг нэгдсэн байдлаар харах боломжтой болгох зэрэг асуудлыг шийдэх гарц шийдлийг энэхүү хэлэлцүүлгээр хөндлөө.

Хэлэлцүүлэгт “Эрүүл мэндийн салбарын цахим хөгжил”, “Улсын нэгдүгээр төв эмнэлгийн цахим системийн ашиглалт”, “Эрүүл мэндийн даатгал-Цахим үйлчилгээ”, “Дүүргийн нэгдсэн эмнэлэгт ашиглаж буй цахим систем” зэрэг сэдвээр холбогдох байгууллагын мэргэжилтнүүд илтгэл тавьж хэлэлцүүлсэн юм.

Улсын Их Хурлын гишүүн, Инновац, цахим бодлогын байнгын хорооны дарга Н.Учрал, “Эрүүл мэндийн цахим шилжилтийг цаг алдалгүй хийж эхлүүлснээр 2023 он гэхэд иргэд бүх шатны эмнэлгийн байгууллагаар үйлчлүүлэхдээ дугаарлаж зогсохгүйгээр хуваарийн дагуу очоод шууд үзлэг оношилгоонд хамрагддаг болно. Эрүүл мэндийн салбарт цахим шилжилт хийх санхүүжилт, төсөл хөтөлбөрүүд нь ямар ч үр дүнгүй, мөнгө угаалт болоод дууссан. Эдгээр асуудлыг тал талаас нь нухацтай ярьж, шийдвэрлэх ёстой. Иймд Инновац, цахим бодлогын байнгын хорооноос ажлын хэсэг байгуулсан. Уг ажлын хэсгийг УИХ-ын гишүүн, Хүний гавьяат эмч Ж.Чинбүрэн ахалж байгаа” хэмээн хэлсэн үгэндээ онцоллоо.

Эрүүл мэндийн салбарын тогтолцоог сайжруулж, ард иргэддээ чирэгдэлгүй, шуурхай үйлчлэхийн тулд цахим системийг нэвтрүүлэх ажил өрнөж байна. Өнгөрсөн хугацаанд эмнэлгүүдийн цаг авалтын системийг цэгцэлж, нэгдсэн системийг нэвтрүүлэх ажил эхэлсэн. Ирэх жилээс эмнэлгүүд гүйцэтгэлээрээ санхүүжих тул бүх эмнэлэг e-health программ дээр эм, эмнэлгийн хэрэгсэл, тоног төхөөрөмж зэрэг бүх мэдээллээ оруулж, нэгдсэн байдлаар бүртгэлжүүлж эхэлнэ. Ингэснээр бид датад үндэслэн урьдчилан арга хэмжээ авах, санхүүгээ зөв зарцуулах тогтолцоо бий болно. Улсын хэмжээнд эрүүл мэндийн салбартай холбоотой бүх талын мэдээллийг эмнэлгийн удирдлагууд цаг алдалгүй цахимаар авдаг болно гэдгийг Эрүүл мэндийн сайд Т.Мөнхсайхан хэлэлцүүлгийн үеэр танилцуулсан юм гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.


Сэтгэгдэл

TAHIR TATYY HUN [182.160.38.62] 2020-09-21 05:03:30

Orh.Duurgiin nelguud ni tergentsertei hUN emchig uzuuleh ymarch bolomj baidagguig EMY nii said ta meddeguu? UGUI L VAIHGUI YU. Uuniig medej sudlaj horson deeree buusan ni deef bhaa

зочин [66.181.189.19] 2020-09-20 01:15:29

юугаа яриад бичээд бгаа новшнууд вэ,гараад талбай дээрээ жагс.олон юм хуцаад хэрэгжихгүй шүү

зочин [66.181.176.153] 2020-09-19 23:20:07

Хувь хуний нууцад евчний туух ордог биз дээ. Ил болохнээ. Дугаарлаж зогсолгуйгззр шууд очоод узуулхэд энэ теслийн хэрэг юу бна. Утсаар захиалага егеед болоо юм биш уу.

Зочин [192.82.71.97] 2020-09-19 14:46:43

Менгесайхан худлаа дvрээс цаашгvй. Менгеер сайд болсон амьтан яавч улс орноо гэсэн хvн байхгvйн ойлгомжтой. Шонхор зах нь НØАТ егехгvй татвараас зайлсхийсэн - vvнээс л эднийхний жинхэнэ терх харагдана. Хулхи, хулгайч

Зочин [202.179.21.220] 2020-09-19 08:52:17

Ийм ажил ярихад юм харж байж л ярих хэрэгтэй болдог юм даа. Ий холоос урда байгаа дэлгэц харах уу ?

зочин [103.26.194.86] 2020-09-19 05:07:28

том зах махыг нөттэй болгож өгөөч энэ татварынхан уусчихсан дийлэхгүй байна

Гомбожав [66.181.161.57] 2020-09-19 03:59:43

ТА НАР ТОМ ТОМ ЯРЬЖ ОН ЗААН БҮЛТРЭХЭЭСЭЭ ӨМНӨ БОДИТ БАЙДЛЫНХАА НӨХЦӨЛ БАЙДЛЫГ ЭМНЭЛЭГ ТУС БҮРЭЭР НЬ ҮНЭЛЭЭЧ. ТЭГЭЭД ЭДИЙН ЗАСАГ ТАЛААС НЬ ХАР. ӨРХИЙН ЭМНЭЛЭГ, НИЙГМИЙН ЭРҮҮЛ МЭНД РҮҮГЭЭ ЭХЭЛЖ ОРООЧ. ХУДЛАА СҮРЖИН НЭРТЭЙ ХУРАЛ ХИЙХЭЭСЭЭ ӨМНӨ САЛБАРЫН ХҮМҮҮСЭЭ СОНСОХ, ИРГЭДЭЭ СОНСОХ ХЭРЭГТЭЙ. АРАЙ ЯДАН САЛГАЛЖ ЯВАА САЛБАРАА СӨХРҮҮЛЭВ ДЭЭ. ОЛОН ХҮМҮҮСИЙН УУР БУХИМДАЛ ИХ, ОДОО БАС БААХАН ХАЛАА СОЛИО ХИЙХ БАЙХ. ЭРҮҮЛ МЭНДИЙН ЭДИЙН ЗАСАГ МЭДЭХГҮЙГЭЭР ЭРҮҮЛ МЭНДИЙН САЛБАРЫГ ХӨГЖҮҮЛЭХ ЯМАР Ч БОЛОМЖГҮЙ. ЦАХИМЖЛАА ГЭЭД ХҮНИЙ НӨБЦ НЬ ДУТУУ, ТОНОГ ТӨХӨӨРӨМЖГҮЙ, ЭМИЙН ХҮРЭЛЦЭЭГҮЙ БАЙХАД БАС Л ХҮН НААШ ЦААШ ЯВЖ БУХИМДАНА

сайдад дайх үг [66.181.187.188] 2020-09-19 03:21:46

ТА ШОНХОР захаас НӨАТ өгдөг болгож, бусад төрийн албан хаагч нартаа үлгэр үзүүлээч. ТАТВАРынхан ШОНХОРыг дийлэхгүй байна


8 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
8 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.