Олон хүн цугларсан газарт очихоос зайлсхий

Aдмин / Нүүр

Иргэн, гэр бүлд зориулсан халдвараас урьдчилан сэргийлэх зөвлөмжийг хүргэж байна.

  • Шинэ коронавирусний халдвараас урьдчилан сэргийлэх зөвлөмж, сэрэмжлүүлгийг мэдээллийн баталгаатай эх үүсвэр болох ЭМЯ-ны вэб хуудас (www.mohs.mn), фэйсбүүк цахим хуудас (https://www.facebook.com/www.mohs.mn/), НЭМГ-ын вэб хуудас (www.ubhealth.mn), фэйсбүүк цахим хуудас (https://www.facebook.com/ubemgazar/ хаягнаас авч байх.
  • Шинэ коронавирусний өвчлөл бүртгэгдсэн улс руу зорчихгүй байх.
  • Олон хүн цугларсан газарт очихоос зайлсхийх, агаарын солилцоо муутай заал, танхимд нийтийг хамарсан үйл ажиллагаанд оролцохоос зайлсхийх.
  • Салхивчаа нээж, агаар салхи оруулж байх. Өдөр бүр гэр орон, албан тасалгаандаа агаар салхи оруулж, агаарын солилцоог сайжруулж байх нь амьсгалын замын өвчний халдварлалтаас сэргийлэх сайн талтай.
  • Хувийн ариун цэврийг сайн сахих. Савангаар хөөсрүүлж гараа 20 секундээс багагүй хугацаанд нямбай угаах, ханиаж найтаасан бол гараа халдваргүйтгэх.
  • Ханиах, найтаах үедээ цэвэр салфеткаар ам, хамраа таглах юмуу эсвэл тохойгоороо халхалж шүлс, нус, цэрээ үсрэхээс болгоомжлох, гарын алгаар ам, хамраа таглахгүй байх.
  • Байнга биеийн байдлаа хянаж, халуурах шинж тэмдэг эхэлбэл эмчид яаралтай хандах.
  • Амны хаалтыг зүүхдээ нугалж байгаа хэсгээ гүйцэд дэлгээд ам, хамар, эрүүгээ бүгдийг халхалсны дараа хамрын самсааны дээд хэсгээр чанга хавчиж, амны хаалт болон хацар нүүрний хэсгийг сайтар наалдуулна.
  • Амны хаалтыг зүүхээс өмнө гараа угааж, амны хаалтны дотор талыг бохирдуулахаас сэргийлэх.
  • Нэг удаагийн амны хаалтыг 2-3 цаг тутам сольж хэрэглэн, тайлахдаа гадна талын амны бохир хэсэгт гар хүргэлгүй, чихний уяанаас барьж устгах.
  • Өдөр тутмын хоолны бүтцийг чухалчлах, шим тэжээлийн зохистой байдалд анхаарч мах, гурил, будаа, жимс ногооны харьцааг тэнцүүлэн, витаминыг хоолоор нөхвөрлөн, ус зохих хэмжээгээр уух.
  • Идээ ундаагаар шинэ хэлбэрийн коронавирусний халдварлалтаас сэргийлэх зорилгоор зарим төрлийн идээ, ундаа, архи согтууруулах ундааны тухай элдэв цуу яриаг туршиж, хугацаа алдалгүйгээр эрүүл мэндийн байгууллагад хандах.
  • Өрөө тасалгаандаа чийгтэй цэвэрлэгээг өдөрт 2-оос доошгүй удаа хийж, гар их хүрч болох, амархан бохирдох эрсдэлтэй хаалганы бариул, код, гар утас, компьютер, дэлгэц, унтраагуур, ширээ, ариун цэврийн өрөө зэргийн цэвэрлэгээ, халдваргүйжүүлэлтийг 2 цаг тутам болон бохирлогдсон тохиолдол бүрт хийх.
  • Ил бөөлжис, нус, цэр, ялгадасыг салфетка, нойлын цаасыг ашиглан шингээж арчих, халдваргүйтгэх бодисоор бохирдсон газар болон орчин тойрныг халдваргүйтгэх.
  • Бага насны болон нярай хүүхдийг байнга үнсэхээс зайлсхийх.
  • Амьтантай шууд гараар хүрэлцэх, өвчтэй мал амьтныг муулах, үхсэн мал амьтны сэг зэмд хүрэх, зэрлэг амьтны мах идэхээс татгалзах.
  • Хооллохдоо ямар ч тохиолдолд зөвхөн өөрийн аяга, таваг, халбага, сэрээ, савхаар идэх. Хамгийн гол нь, хүүхдүүдэд бусад хүний ууж хэрэглэсэн аяга, тавгийг хэрэглэхгүй байхыг сануулж, ундааны соруул гэх мэтийг ам дамжуулан хэрэглэхгүй байх талаар хэлж, ойлгуулах.
  • Гэр бүлийн гишүүн бүрийн тоогоор нүүр гарын алчуур, шүдний сойз хэрэглэх, тогтмол угааж, ариутгаж байх.
  • Нийтийн эзэмшлийн газар, гудамж, талбайд нус, цэр, шүлсээ ил задгай хаяхгүй байх.
  • Хогийн савыг дүүргэлгүй суллаж, цэвэрлэж халдваргүйжүүлж байх зэрэг болно.

Эх сурвалж: Нийслэлийн эрүүл мэндийн газар


Сэтгэгдэл

би сайд бол [64.119.21.233] 2021-03-01 21:34:45

Гуравдугаар сар тэр чигээрээ концерт хошин шогчид бөх ноцолдоон бөхийн өргөө концертийн бөөн очёрт тарагдсан тэр газруудад дор хаяж 1000-1500 орчим хүн цуглах болно.Ээ мэдэхгүй бид зай барих гартаа бээлий хийсэн хүн байна уу! Тэр бүү хотын захаар маск зүүгээгүй хүн ч харагдаж байх юм.Тэр вакцин хужаа орос хамаагүй нийт хүн амынхаа 30% 4 р хийгээд дуусгамаар байна юу хүлээгээд ийм аажуухан яваад байна.Боломжийн ард иргэд мөнгөөрөө гэсэн хийхэд бэлэн бна шүү дээ.ХХБ Эрдэнэт Оюу толгой Таван толгой гэх том том үйлдвэр аж ахуйн нэгжүүд өөрсдийн хөрөнгөөр ажилчиддаа вакцинжуулья гээд байхад эрхийг өгөөч тэгэхэд цөөхөн ард түмэнд минь хэрэгтэй бус уу!

ЗАРИМ ХҮМҮҮС МӨРДӨХГҮЙ БАЙНА [139.5.219.31] 2021-03-01 15:18:41

САЯ НЭГ ХААЛГА-НЭГ ӨРХӨӨС ШИНЖИЛГЭЭ АВААД ХАЛДВАРЫН ТОХИОЛДЛЫГ САМНААД АВСАН МЭТ ОЙЛГООД БАЙНА. ҮГҮЙ ШҮҮ....ӨМНӨ ХАЛДВАРЫН ТОХИОЛДЛЫН ХАВЬТЛУУДААС 1 ДЭХ ШИНЖИЛГЭЭНЭЭС ИЛРЭХГҮЙ БАЙСНАА 2-3 ДАХЬ ШИНЖИЛГЭЭГЭЭР ИЛЭРЧ БАЙГАА ТАЛААР ИРГЭД ОЛОН УДАА СОНСОЖ БАЙГАА... ТҮҮН ШИГ САЯЫН САМНАЛТААР ШИНЖ ТЭМДЭГГҮЙ ЭСВЭЛ НУУЦ ҮЕДЭЭ БАЙГАА ХАЛДВАРЫН ДӨНГӨЖ 50%-ЫГ ИЛРҮҮЛНЭ. БҮРЭН ХУМЬЖ АВНА ГЭВЭЛ 2 УДАА PCR-ШИНЖИЛГЭЭ ХИЙХ ХЭРЭГТЭЙ ОНОН САНГИЙН ЭРДЭМТЭН ХЭЛСЭН ШҮҮ, ОЙЛГОХ...

Зочин [103.57.94.24] 2021-03-03 02:51:07

Яг үнэг

ХАЛДВАРААС УЛАМ САЙН ХАМГААЛАХ [139.5.219.31] 2021-03-01 15:21:28

ӨДӨРТ 30-50 ТОХИОЛДОЛ ИЛЭРЧ БАЙГАА ТАЛААР МЭДЭЭЛЖ БАЙНА, ТҮҮН ДОТОР ХААНААС ХАЛДВАР АВСАН НЬ ТОДОРХОЙГҮЙ ТОХИОЛДОЛ ЦӨӨНГҮЙ ИЛЭРЧ БАЙНА, ИЙМД ДЭГЛЭМЭЭ УЛАМ САЙН МӨРДӨХ ХЭРЭГТЭЙ, ХҮМҮҮСЭЭ


4 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
4 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.