Эхнэрийнхээ уурлаж буй бичлэгийг лайв хийсэн гэж дуучин Дэлгэрмөрөнг баалах хүн байв. Бас түүнийг ойлгох иргэд ч их байна.

Орчин үед монгол эмэгтэйчүүдийн амьдралын хэв маяг их өөр болсон. Чөлөөт гэх үү дээ. Монголчууд ихэнхдээ эмэгтэйчүүдийн эрх ярьдагаас биш эрчүүдийн эрхийг огт хөнддөггүй. Гэтэл эр хүн гэдэг нурж босох нь түүний эхнэрээс хамаарч байдаг. Бид хатан ухаан, монгол эмэгтэйн амьдралыг тэвчиж бас зөөллөж ирсэн олон сайхан баатарлаг туульс түүхийг мартаагүй, тэр түүхийн ул мөр арилаагүй түүхтэй ард түмэн.

Гэтэл эмс нь идэж ууж, эр нөхрөө нулимж, харааж цохиж, эр эмгүй арслан, эрслэн мэт тэмцэлддэг боллоо.

Эмэгтэй хүний үс урт ухаан богино гэдэг. Үгүй, эмэгтэй хүний ухаан уужуу бүр заримдаа эрчүүдийнхээс ч гүн гүнзгий ухаан эх хүнээс л гардаг. Бас хэвлийдээ үр тээдэг эмэгтэй хүн бусдыг хайрлах, уучлах ухаан ч байдаг.

Гэтэл фейсбүүк хэмээх чөлөөт орчинд бусдын амьдрал өрнөж, түүнийг нь ард түмэн шүүдэг болсон нь харамсалтай. Фейсбүүкд хөөрхөн сайхан зургаа оруулж, фейсбүүкт баян тансаг амьдралаа гайхуулж, хувийн эгогоо бичиж, фейсбүүкт зовлон зүдгүүр бэрхшээлээ тоочдог болсон нь бид өнөөдөр нэгэнт дотор хүнээ өөрснөө хянах, өөрснөө хөтлөх биш бид бусдаар хөтлүүлдэг бусдад таалагдахын тулд жүжиглэн амьдардаг болсонтой холбоотой.

Тайзан дээрх жүжиг, кино бол тайзан дээр л байдаг. Бодит амьдрал бол тэс өөр. Хүн бүрийн амьдрал өөр өөр өнгөтэй, өөр өөр жаргал зовлонтой. Гагцхүү тэр орон зай зөвхөн биднийх. Тэр орон зайг ч монгол гэлтгүй улс бүр хувь хүний нууц гэж хуульчилдаг юм шүү. Ганцхан жишээ татахад, “Хувь хүний нууцын тухай хууль”-д хувь хүнтэй холбоотой тав болон бусад гэж асуудлыг онцлон оруулсан байдгын нэг нь гэр бүлийн нууц байдаг.

Тиймээс цахим орчинд та бидний чөлөөтэй ярьж, чөлөөтэй муулж байгаа энэ асуудлууд гэр бүлийн нууц гэж ангилалд хамаардаг. Нэгэнт өөрсдөө амьдралаа дэлгэцэн юм чинь хохьчино гэж ам гарах нэгэн бий. Унахад нь түшээд авдаг ухаан, хазайхад нь ухааруулж босгодог Монгол хүн хаачсан юм бэ. Тиймээ, бид айлын хүүхдүүдийг шүүх биш өөрсдийгөө л шүүх ёстой болсон шүү уншигчид аа.

Тийм ээ, бид дуучин Дэлгэрмөрөн гэдэг хүнийг буруутгах биш түүний дотоод зовлонг бид бас ойлгох ухаан ч бас бидэнд хэрэгтэй. Тэрээр өнчирсөн охиноо элгэндээ тэврээд хайр хайж, итгэл хайж явсан ганц бие аав. Тэрээр аргаа бараад дотроо уйлж яваа эр хүн. Эр хүн уйлахаар уул хүртэл бөхийдөг гэж ярьдаг. Эр хүний нулимс гадагшаа биш дотогшоогоо байдаг. Гэхдээ дотроо нэгэнт алдарсан тул тэрээр гаднаа уйлж явна. Аргаа барахдаа амиа хорлох тухай боддог гэсэн Дэлгэрмөрөнг битгий түлх монголчууд аа, түүнийг түшээд ав. Учир нь тэрээр эцэг хүн. Энэ хорвоод бас хэн нэгэнд ухаарал хайрлаж дуулдаг дуучин хүн.

Эцэст нь уучилсан нь хожиж, өс тээсэн нь зовдог хорвоо. Тиймээс залуус аа, нэгнээ гоочлох биш нэгнээ хайрдаг тийм нийгмийг хамтдаа зураач!!! Алдсан нэгнээ түлхдэг биш, ухааруулдаг монгол хүний мөн чанараа сэргээгээч... Дэлгэрмөрөнг бүү буруутга, гэрийн үйлчлэгч нь хүртэл түүнд салаавч гаргаж байхад эр хүн бөхийдөг юм. Бусдын үрийг өөрийнх шигээ хайрла хүмүүс ээ. Эр хүний замын хүзүү урт шүү Дэлгэрмөрөөн одоо босох цаг, уран бүтээлээрээ сэтгэлээ олон нийтэд харуулах цаг !