Сургууль хаагдсанаар хүүхдүүд гэр бүлийн хүчирхийлэлд өртөх нь ихэсчээ

Aдмин / Хууль

COVID-19 халдварын тархалтыг дарах хоёрхон арга байгаагийн нэг нь хөл хорио нөгөө нь вакцин юм. Вакцины хүртээмжээс шалтгаалан сүргийн дархлаа тогтох хүртэл улс орнууд хөл хорио тогтоож, халдвараас иргэдээ урьдчилан сэргийлж байна. Гэвч хөл хорио тогтоосон энэ цаг үед дэлхий нийтээрээ гэр бүлийн хүчирхийлэл далд хэлбэрт шилжиж, өмнөх жилүүдээс хэд дахин нэмэгдэж байгааг НҮБ-аас анхааруулав. Манай улсад мөн адил гэр бүлийн хүчирхийллийн гэмт хэрэг энэ оны эхний гурван сард өнгөрсөн оны мөн үеэс 39 хувиар өссөн хэмээн ЦЕГ-аас мэдээллээ. Тодруулбал, нийслэлд эхний гурван сарын байдлаар гэр бүлийн хүчирхийллийн 388 гэмт хэрэг бүртгэгджээ. Цагдаагийн байгууллагын тусгай дугаарт хоногт гэр бүлийн хүчирхийлэлтэй холбоотой 100-150 дуудлага мэдээлэл бүртгэгддэг аж.

Хамгийн сүүлийн жишээ гэвэл гэр бүлийн хүчирхийлэлд өртсөн бүсгүй өчигдөр цагдаагийн 102 дугаарын утас руу залган тусламж хүсчээ. Дуудлагын дагуу цагдаагийн албан хаагчид очиж хойд эцэгтээ зодуулсан хүүхдийг ГССҮТ-д хүргэсэн байна. Тодруулбал, долоон сартай хүүхэд тус эмнэлэгт долоо хоногийн зайтай хоёр удаа хүргэгдэж ирсэн бөгөөд хүүхдийн хөл нь хугарсан, толгой доргилттой хүнд гэмтэлтэй байсан аж.

Энэ он гарсаар 40 гаруй хүүхэд гэр бүлийн хүчирхийллийн улмаас гэмтэж эмнэлэгт ирсэн ч удаан хугацаанд хүчирхийлэлд байсны улмаас илүү хүнд гэмтэл авсан байдалтай ирснийг мэргэжилтнүүд онцоллоо. Тухайлбал, “Сургууль, цэцэрлэг ажиллахгүй байгаа учир гэр бүлийн хүчирхийлэл далд хэлбэрт шилжсэн. Хүүхдүүд хүнд гэмтэл аваад ирж байна” хэмээн ГССҮТ-ийн эмч ярилаа. Хүчирхийлэлд өртсөн иргэдийг хамгаалах, шаардлагатай тусламж, үйлчилгээ үзүүлдэг түр хамгаалах байр, нэг цэгийн үйлчилгээний төвөөр энэ оны эхний гурван сард нийт 1053 хүн үйлчлүүлжээ. Үүний долоо нь эрэгтэй, 326 нь эмэгтэй, харин 720 нь хүүхэд байв.

Гэр бүлийн хүчирхийлэл далд хэлбэрээр үйлдэгдэж, хүүхдүүд хүнд гэмтэж, ГССҮТ-д очих нь нэмэгдсэн үед хөрш айлд тань хүчирхийллийн шинжтэй дуу чимээ гарвал 102, 107, 108 тусгай дугаарт холбогдон мэдэгдэж, гэмт үйлдлийг таслан зогсооход хувь нэмэр оруулахыг Цагдаагийн ерөнхий газраас сануулж байна. Гэхдээ хөгжлийн бэрхшээлтэй тэр дундаа хэл яриа, сонсголын бэрхшээлтэй иргэд цагдаагийн байгууллагад дуудлага мэдээлэл өгөхөд хүндрэл үүсдэг. Тэгвэл энэ иргэд цагдаагийн байгууллагын 102, 107, 108 тусгай дугаарт гэр бүл, хүүхдийн хүчирхийлэл болон бусад гэмт хэрэг, зөрчлийн талаарх дуудлага мэдээллийг мессежээр мэдэгдэх боломжтой болсон юм.

Эх сурвалж: “Зууны мэдээ” сонин Б.ДОЛЖИНЖАВ


Сэтгэгдэл

ZAP [202.9.40.50] 2021-05-05 12:55:38

ZAP [202.9.40.50] 2021-05-05 12:55:38

Зочин [103.229.123.49] 2021-05-04 06:26:58

300.000 аваад хүнсээ авч буй эхнэр нөхөртэй таарахад шуудай гурил аваад л 2 шил архи, хэдэн пиво аваад байхын. Хүүхдүүддээ юу ч авсангүй. Архиа гудраад л хүчирхийлэл үйлдээд новш юмаа.

Зочин [202.126.89.202] 2021-05-04 00:59:49

2 удаа эмнэлэгт ирнэ гэдэг давтамж шүү хүүхдийн төлөө бүгд анхаарах ёстой өнөөдөр хэн нэгний хүүхэд маргааш таны хүүхэд хохирогч болохгүй гэх баталгаа байхгүй

Зочин [122.201.21.110] 2021-05-03 17:38:12

ene tele hicheel ntr, bagsh nar n ham hum neg yum zaana, uldsniig n huuhduud hiine eej aav n zaaj chadahgui uurlan utsaarlana yostoi gaitai zuil

zochin [124.158.77.41] 2021-05-03 16:51:51

ТУХАЙН АЙЛ ГЭРИЙН ЭЦЭГ ЭХИЙН ХҮМҮҮЖИЛТЭЙ ХОЛБООТОЙ АСУУДАЛ . ТЭРНЭЭС БИШ ХҮҮХЭД ГЭР ОРОНДОО БАЙЛАА ГЭЭД ХҮЧИРХИЙЛЭЛД ӨРТӨӨД БАЙХ ҮНДЭС БАЙХГҮЙ .ХҮЧИРХИЙЛЭЛ ҮЙЛДЭЖ ХҮҮХДИЙН ЭРС ЗӨРЧДӨГ УЛСУУД ХҮҮХЭД СУРГУУЛЬДА ЯВДАГ БАЙСАН Ч ЯЛГААГҮЙ ГЭРТЭЭ АРХИА УУГААД ЭРХИЙГ НЬ ЗӨРЧӨӨД Л БАЙДАГ АРХИЧИН НӨХДҮҮДИЙН ЭРХИЙГ ХЯГААРЛАХ ХЭРЭГТЭЙ АЖИЛГҮЙ ЗАЛХУУ ДЭЭРЭС НЬ АРХИЧИН ХҮН ХЭНИЙ Ч ЭРХИЙГ БОДОХГҮЙ ШҮҮ

Зочин [192.82.68.132] 2021-05-03 14:46:54

Монголчууд улам зэрлэг болж байна да

Зочин [202.9.46.194] 2021-05-04 11:59:22

тиймээ цаашид улам зэрлэгших болно.

Зочин [172.58.139.243] 2021-05-04 02:46:29

Heleed yuhev zerleg dogshin buduuleg teneg bolj bna. Hujaa nar 30 jil hool hunseer damjuulj tarhi tolgoig tenegruuleed bna uu gej bodoh yum.

Зочин [202.9.46.194] 2021-05-03 13:53:14

Одоо үеийн хүүхдүүдэд жаргах тавилан байхгүй

Зочин [203.91.115.50] 2021-05-03 12:20:49

Юу л бол доо. Гэрийн хорионд орсноор хүүхдүүдийн маань хүмүүжил мэдэгдэхүйц өөрчлөгдөж эерэг хандлагатай болж байна. Бас гэрийнхээ ажилдаа нэлээд оролцоо нь нэмэгдэж байна.

Зочин [150.129.142.92] 2021-05-03 12:13:49

iim hetsuu sogtuu galzuu ailuudiig horoogoor n sudlaad huuhduuded n hynalt tavih heregtei.iim ailuud nileen ih b.gaa baih. huuhduuded n l hetsuu baidag baih

Зочин [202.9.46.194] 2021-05-03 09:55:26

Хүчирхийлэлд өртнө биз.


13 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
13 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.