Олон улсын ардчиллын өдрийн мэндийг МоАХ-ны дэргэд эрх чөлөө, шудрага ёс, ардчиллын үнэт зүйлсийг түгээх, улс орны хөгжлийн бодлогод шинэ төлвүүдээр хувь нэмэр оруулах , залуу манлайлагчдыг бэлтгэх зорилготой " Ардчилал, шинэ бодлогын төв " байгуулагдан үйл ажиллагаагаа эхлүүлсэн таатай мэдээгээр дэвшүүлж байна. Өмнөх алдаа онооноосоо бодитой дүгнэлт хийхгүйгээр угтах ирээдүйгээ зөв тодорхойлохгүй.

Тиймээс соён гэгээрүүлэх ажил туйлын чухал. 1993 онд Германы Конрад Адуэнэрийн сан Улс төрийн боловсролын академи байгуулан 2008 он хүртэл ажиллуулахдаа монголчуудад шинэ нийгмийн талаарх ойлголтууд өгөх, боловсон хүчин бэлдэх, ном товхимол хэвлүүлэх, техникийн туслалцаа үзүүлэх зэрэгт 2,3 тэрбум төгрөг зарцуулсан гэсэн тооцоо бий.

Ардчилал хөөсрөх,ардчиллыг хараагч бүхэл бүтэн үе цэвдэг өсч төлөвших, нам төрийн нэрээр гадны дотны шуналтнуудад толгой дээрээ шээс баас цацуулан хүлцэнгүйрэх зэрэг нь үнэт зүйлсийг өөрийн болголгүй нийтээрээ харанхуй байгаатай шууд холбоотой. Монголын хөрсөнд буух шинэ дэвшилтэт үзэл санаа, үндэстнээрээ нэгдмэл тэмүүлэлд хүрэх үйл ажиллагаа одоо ус агаар лугаа хэрэгтэй, хэмээн МоАХ-ны Хэрэг Эрхлэх Газрын дарга С.Эрдэнэцогт мэдэгдсэн байна.