"2022-2023 онд багтаан тэтгэврийн зөрүүг арилгахад шаардлагатай 600 тэрбум төгрөгийг шийдвэрлэх шаардлагыг хүргүүлж байна" гэв

Aдмин / Хууль

Ахмадын тэтгэврийн зөрүүг арилгах асуудлаар Монголын ахмадуудын холбооноос хийлээ.

Тус холбооны ерөнхийлөгч Ц.Сүхбаатар "320 гаруй мянган ахмад настны ихэнх нь 2011 оноос өмнө тэтгэвэр тогтоолгосон хүмүүс бий. Зөрүү гэдэг ойлголт нь 1990 оноос хойш яригдаж байгаа. 2001 оноос өмнө тэтгэвэр тогтоолгосон хүмүүс бага цалингаасаа тэтгэвэр тогтоолгоод ихэнх нь тэтгэврийн доод хэмжээ 350 мянган төгрөг авч амьжиргаанд нь хүрэлцэхгүй байна.

Ахмад настны тухай хуулийн наймдугаар зүйл, Нийгмийн даатгалын сангаас тэтгэвэр, тэтгэмж олгох тухай хуулийн 30 дугаар зүйлд ахмад настны тэтгэврийг амьжиргааны өртгийн өөрчлөлт, инфляцтай уялдуулан жил бүр индексжүүлэн өөрчилж байх талаар тусгасан байдаг. Энэ заалт зохих журмаар хэрэгжээгүй учраас тэтгэврийн зөрүү жил ирэх тусам нэмэгдэж, ахмадууд хохирсоор байна.

1995 оны нэгдүгээр сарын 1-нээс даатгалын шинэ тогтолцоонд орсон. Ингэхдээ 1990 оноос өмнө тэтгэвэрт гарсан хүмүүсийн тэтгэврийг одоо тэтгэвэр авч байгаа хүмүүсийн тэтгэвэр тогтоосон цалинтай нь ойртуулж тогтоох гол зарчмыг Нийгмийн даатгалын тухай хуулиудыг батлахдаа шийдвэрлэсэн. Үүний дагуу Засгийн газраас зургаан удаа тэтгэврийг индексжүүлэх шийдвэр гарсан.

Гэхдээ тэтгэврийн зөрүүг арилгахад шаардагдах хөрөнгийг төсвийн хүрэлцээ байхгүй гэдгээр зохиомлоор индексийг нь бага тогтоосноос болж зөрүү нь арилахгүй байгаа. Сүүлийн дөрөв, таван жилийн турш тэтгэвэр дээр 20, 25, 27, 30 мянган төгрөгийг сард нэмэгдүүлж ирлээ. Гэвч нэг хүний тэтгэврийн зөрүү 100-600 мянга хүртэлх төгрөг байгаа юм. Авч байсан цалин, ажилласан жилийн хугацаанаас их, бага тэтгэвэр авдаг үндсэн зарчим алдагдаж, нэг тогооны зарчмаар тэтгэврийн асуудал шийдэгдэх, олон жил хөдөлмөр эрхлэх сонирхолгүй болгох асуудал яригдаж байгаа нь буруу шийдвэр.

70-аас дээш настай ахмад настнуудын тэтгэврийн зөрүүг ирэх оны нэгдүгээр улиралд багтаан шийдвэрлэж өгнө үү?

Жилд дөрвөөс таван мянган ахмад настан нас бардаг. Ихэнх ахмадууд тэтгэврийн зөрүүгээ арилгуулж чадахгүй нас барж байна. Энэ асуудлыг ээлж дараатай шийдэх, 70 ба түүнээс дээш настай ахмад настнуудын тэтгэврийн зөрүүг тэргүүн ээлжид арилгаж өгөх шаардлагыг удаа дараа төрийн өндөрлөгүүдэд тавьсан ч харамсалтай нь шийдэгдсэнгүй.

Урьдчилсан мэдээллээр тэтгэврийн зөрүүг арилгахад 600 орчим тэрбум төгрөг шаардлагатай. Энэ мөнгө хөрөнгийн эх үүсвэрт тусгагдаагүй гэсэн мэдээлэл байна. Тухайн асуудлыг шийдэхгүйгээр улсын төсөв батлавал ахмадуудын бухимдал дээд цэгтээ хүрнэ. Ерөнхий сайд болон Сангийн сайд нарт 2022-2023 онд багтаан тэтгэврийн зөрүүг арилгах нэмэгдэл хөрөнгийн эх үүсвэрийг гаргаж өгөх, 70-аас дээш настай ахмад настнуудын тэтгэврийн зөрүүг 2022 оны нэгдүгээр улиралд багтаан шийдвэрлэх шаардлагыг хүргүүлж байна" гэлээ.


Сэтгэгдэл

Зочин [202.9.40.99] 2021-09-23 08:41:41

Zuruug ni arilgah geseer baital ehneesee uheed duusaj bgaan bish uu jildee heden myngaaraa

Иргэн [103.212.119.121] 2021-09-22 14:10:53

Энэ шаардлаг зөв !!! 1990 оны мөнгө чинь 1000 дахин нэмэгдээд ирэх ёстой.1төгөөр юм авдаг байсан бол 10000 аар 1 кг юм авдаг.20 мянга ч бна.тэгэхээр нэмэх нь зөв.зарим хүмүүс битгий уураараа айлга!!!!!! таны уураас айх юм байхгүй.бид татвар зөндөө төлж, өвдөж ч шзэлгүы Тэтгэвэртээ гараад - одоо ядуу эмзэг бүлэгт бна.!!!!!!! тэтгэвэрээ яаралтай шийдэж э/з эргэлтэнд ядаж орно .одоо та нар юмны үнэ буулгаж чадахгүы учраас хурдан нэмээ !!!!!!!!Засаг 1 -1д иргэдрүүгээ чиглэсэн ажил их хиймээр бна.өөрдийгөө магтаад баян тансагаа дуудаад л том байшин машинаа болиоод хүмүүсиын амьрал руу ажилаач!!!!!суудал булааж аваад юу ч хийхгүй байна үнэн шүү!!!!!!!

Зочин [202.9.46.210] 2021-09-22 18:11:44

Ардчилал чөлөөт зах зээл төгрөгийг чинь үнэгүйдүүлсэн дээ.

Ахмад настан [202.9.40.89] 2021-09-22 12:57:31

Ахмадын холбооноос тавьж байгаа шаардлага маш зөв, бүрэн дэмжиж байна. Эхлээд зөрүүг шийдвэрлэсний дараа нэмэгдүүлэх тухай ярих ёстой, эрт төрж, их ажилласан бид хохирох учиргүй шүү дээ. Төр засаг, түшээдүүд эрх биш анхаарах байх гэж найднам

Зочин [150.129.142.232] 2021-09-22 12:42:30

юун зөрүү юу хуцаад бгаан хэн юу хийж байснаараа шүү

зочин [139.5.218.126] 2021-09-22 21:58:17

Та тайван бай. Эхлээд асуудлыг ойлго. Тэтгэврийн зөрүү гэдэг нь яг ижил албан тушаал дээр ажиллаж байсан боловч, цаг хугацааны хувьд хойно, урьд тэтгэвэр тогтоолгосноос болж үүсч буй зөрүүг хэлээд байгаа юм шүү. 1991 оноос өмнө тэтгэвэрт гарсан инженер, 2018 онд тэтгэвэрт гарсан инженер 2-ын тэтгэвэр маш их зөрүүтэй байх жишээтэй гэх мэт

Зочин [192.82.65.51] 2021-09-22 16:35:22

Тийм шүү.

Зочин [203.91.115.48] 2021-09-22 12:32:40

Угаасаа үхээд дуусах байлгүй дээ


8 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
8 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.