Түмэн өнгө, есөн өнцөг
Гоо үзэсгэлэн, цаг хугацаа, улирал, шим ертөнцийн түмэн өнгөн дунд амьдарч буй атлаа үүнийгээ бид төдийлэн олж хардаггүй байж мэднэ.
Монгол орны 1.5 сая хавтгай дөрвөлжин км талбайн өнцөг булан бүрт “нуугдсан” олон төрх, өнгө будаг, ахуй соёлыг нэгэн хоромд үлдээж, цаг хугацаа, улирлыг мөнхөлсөн шилдэг гэрэл зургийн үзэсгэлэн ХААН галерейд нээлтээ хийлээ. Энэ бол Монголын байгалийн гэрэл зурагчдын нийгэмлэгийнхний хамтран гаргаж буй “Харах өнцөг” үзэсгэлэн билээ.
Байгалийн гэрэл зургаар цөөнгүй жил дагнан ажиллаж буй Д.Октябрь, Б.Баяр, Г.Ган-Өлзий, С.Нацагдорж, Б.Эрдэнэбулган, Ш.Төмөрсүх, Т.Рэгзэн, Э.Ганбаяр, Ч.Итгэл нар мэдрэмж, хараандаа буулган үлдээсэн бүтээлүүдээ олонд толилуулсан нь энэ.
Харц булааж, байгаль, эгэл ахуй, амар амгаланд хөтлөн аваачих мэт эдгээр бүтээлийг анзаарч харвал гоо үзэсгэлэнг мэдрүүлээд зогсохгүй эх дэлхийгээ хайрлах, хамгаалах сэдлийг ч танд төрүүлэх нь гарцаагүй.
Ташрамд, одоогоор 9 хүний бүрэлдэхүүнтэй Монголын байгалийн гэрэл зурагчдын нийгэмлэг байгуулагдсанаасаа хойш томоохон ажлуудыг хийсний нэг нь Катарын үндэсний музейд тавигдах Сахар, Катар болон Монгол дахь нүүдэлчдийн соёлын өвийн үзэсгэлэнд эх орноо төлөөлөн оролцохоор болжээ. Энэ үзэсгэлэн 2022 оны 4-р сард нээлтээ хийх аж.
Энэ сарын 10-31-ний өдрийг хүртэл үргэлжлэх “Харах өнцөг” үзэсгэлэнд саатаж, мэлмийгээ баясгахыг хүсвэл ХААН цамхагийн 3-р давхарт байрлах ХААН галерейг зорьж очоорой.
“Шинэ Хархорум” хотын төлөвлөлтийг боловсруулах олон улсын нээлттэй сонгон шалгаруулалтыг зарлалаа
Л.Оюун-Эрдэнэ: Шүүх Оюун-Эрдэнийн тэмцлийг үнэ цэнэгүй болгох гэж улайрахдаа хэнд үйлчилдэг, хэнээс хамааралтайгаа нотолчихсон, үүнийгээ удахгүй ойлгох болно
Ерөнхийлөгч асан Ц.Элбэгдорж яагаад “дагз” гэж бичих болов буюу ЕС-ын дуулиант ярилцлага
Л.Гантөмөр: Бид Манжийн дарлалаас гарсан, МАН-ын дарлалаас ч гарна
Хил дээр “саатуулагдсан” их хэмжээний эзэнгүй юань сонгуультай холбоотой юу?!
Улаанбаатар-Арвайхээр чиглэлийн авто замын 217-284 км-т үүссэн нүхэн эвдрэлийг хүйтэн асфальт бетоноор засварлажээ
Ерөнхий аудиторын орлогчид мөрийн хөтөлбөр “шинжих” эрх бий юу?!
Улаанбаатарын 976 барилгын 206 нь газар хөдлөлтөд тэсвэртэй
МҮОНРТ-ийн захирлаар Г.Гэрэл сонгогдлоо
Эрчим хүчний хараат байдлаас гаргая гэсэн дээр АНУ-ыг түших нь зөв байх