УИХ-ын гишүүн Н.Энхболд корона туссан нэрийдлээр эрх нь түтгэлзэх 4 гишүүнийг хэргийг гацаасаар байх уу Энэ улсад шударга зүйл гэж байхгүй. Улсаас хөгжлийн банкнаас атгаар нь биш шуудай шуудайгаар нь хүүгүй мөнгө өвөртөлж, УИХ-ын гишүүн болж, улс орноо хохироож ард түмнээ ядуурлын балаг руу унагасан УИХ-ын гишүүн нэртэй Улсын их хулгайчдыг шүүх тэдний асуудлыг хэлэлцэх ёстой Халдашгүй байдлын дэд хороо өчигдөр хуралдсан ч өнөөдөр “гацав”.

Ард түмний талд шийдвэр гаргах байх гэж хүлээх хэрэггүй аж. Яг энэ үеэр Дэд хорооны дарга Н.Энхболд коронавирусний халдвар туссан гэх шалтгаанаар хуралдаа ирээгүй байна.Насаараа шахуу их хуралд суусан Нямаагийн Энхболд гишүүн та бөөрөнхий байж болно, гэхдээ хэтэрхий бөөрөнхийлж, хөгжлийн банкыг тоносон хулгайч нарын хэргийг шүүх дэд хороондоо ирэхгүй байж болохгүй.

Халдашгүй байдлын дэд хорооны С.Бямбацогт, Б.Бат-Эрдэнэ, Ц.Мөнх-Оргил, Сү.Батболд нарын дөрвөн гишүүн хурлаа хуралдуулсан боловч шийдэлд хүрэлгүй таржээ. Арга ч үгүй. Өөрсдөө бүгд но-той ноцтой улсууд болохоор ард түмний талд шийдвэр гаргах зориг зүрх тэдэнд байхгүй. Дэд хорооны дарга КОВИД-19 халдвар авсан гэдэг шалтгаанаар хуралдаа ирээгүй.

Гишүүний бүрэн эрхийг түдгэлзүүлэх эсэх асуудал хуулийн хугацаатай тул хугацаандаа амжиж шийдвэр гаргах байх гэж дэд хорооны гишүүн төлөөлөн ярьсан. Улсаас хэдэн тэрбумаар нь шуудайлсан хулгайч нарын асуудлыг хурдан шийдэж тайлагнах ажлаа хийдэггүй шударга бус гишүүдээр дүүрсэн ийм дэд хороо байдаг ч юм уу, байх ёстой ч юм уу...