Монгол Улсын Ерөнхий прокурор Б.Жаргалсайхан Хөгжлийн банкны хэрэг болон АВЛИГА-ын хэрэгт нэр холбогдсон нь нотлох баримтаар тогтоогдсон нэр бүхий УИХ-ын гишүүн Н.Алтанхуяг, Г.Амартүвшин, Ё.Баатарбилэг, Х.Ганхуяг нарын бүрэн эрхийг түдгэлзүүлэх саналаа өнгөрсөн даваа гаригт УИХ-д хүргүүлсэн. УИХ-ын Халдашгүй байдлын дэд хороо өнгөрсөн лхагва гаригт хуралдаж эхэлсэн ч одоогоор шийдвэр гаргаагүй байна.

Харин хөгжилйн банкны зээлийн асуудалд нэр холбогдсон төрийн түшээ С.Бямбацогт, Л.Дамдинням нарыг энэ удаа онцолсонгүй.

УИХ-ын дарга Г.Занданшатар гишүүдийн бүрэн эрхтэй холбоотой асуудлыг хуулийн хугацаанд нь багтаан яаралтай хэлэлцэх шаардлагатай байгааг анхааруулсан юм.

Тэрээр “УИХ-ын зарим гишүүдийн бүрэн эрхийг түдгэлзүүлэх тухай асуудлыг хуулийн хугацаанд шийдвэрлэх ёстой учраас Халдашгүй байдлын дэд хороо 09:00 цагт хуралдана. Иймд чуулганы дэг, дараалалд өөрчлөлт оруулсан. Үүний дараа Хууль зүйн байнгын хороо 10.00 цагаас, 11.00 цагаас Төрийн байгуулалтын байнгын хороо хуралдана.

Өмнө нь Ерөнхий прокурор Л.Энх-Амгалангийн зүгээс ЖДҮ сангийн зээлийн асуудалтай холбогдуулан УИХ-ын гишүүн асан Л.Энхболд, Б.Батзориг, Б.Ундармаа, Г.Солтан, Д.Дамба-Очир нарын бүрэн эрхийг түтгэлзүүлэх саналыг оруулж байсан юм.