Согтуурсан үедээ Улсын начин Э.Энхбатыг тодорхойгүй шалтгаанаар зодож, тархинд нь хавсарсан, олон хүнд гэмтлүүд учруулан хүнийг онц харгис хэрцгийгээр хөнөөсөн, бусдын эд хөрөнгийг устгаж, гэмтээсэн гэдэг үндэслэлээр олимпийн аварга Н.Түвшинбаяр яллагдагчаар татагдсан.

Эрүүгийн хуулийн тусгай ангийн 10.1 дүгээр зүйлийн 2 дахь хэсгийн 2.1, 17.8 дугаар зүйлийн 1 дэх хэсэгт зааснаар яллах дүгнэлт үйлдэж, шүүхэд шилжүүлсэн байгаа билээ. Хохирогч, талийгаач Э.Энхбатын өмгөөлөгч О.Санчирбал хэлэхдээ, “Журмын дагуу хоёр хүсэлт тавьсан.

Гэрч оролцуулах болон хувь хүний нууцтай холбоотой асуудал яригдах учир шүүх хуралдааныг хаалттай явуулах хүсэлт гаргалаа. Энэ хоёр хүсэлтийг шүүх хүлээж авсан, шүүх хурлыг ирэх тавдугаар сарын 12-ны өдөр хаалттай явуулахаар боллоо" гэх мэдээллийг хэвлэлийнхэнд өглөө.