Гурван зуны турш Ардчилсан нам удирдлагагүй явлаа. Энэ байдлыг өөрсдийнхөө эрх ашигт нийцүүлж шүүх засаглалаар дамжуулж АН-ыг удирдлагагүй байлгах ажлыг зохион байгуулж байгаа хүмүүст хандаж хэлмээр байна. Ардчилсан үзэл баримтлал гишүүдийн тэмцэл өнөөдрөөс эхэлж байна. Бид шударга шүүхийн төлөө тэмцэнэ, УДШ-ийн Ерөнхий шүүгч авилгач Д.Ганзоригтой тэмцэнэ. Шударга шүүхийг тогтоож байж шүүхэд дахин хандана. Өнөөдрийн үйл ажиллагааг сурвалжилсан хэвлэл мэдээллийн байгууллагынхан та бүхэнд баярлалаа.

Орон даяар Дээд шүүхийн шийдвэрийг хүлээж байсан гишүүддээ хандаж хэлэхэд бид шударга бус шүүхээс материалаа татаж авч байгаа нь аливаа асуудлыг шүүх урьдчилсан дүгнэлтээ гаргаж шийдэхгүй байна гэдгийг мэдсэн учраас шударга шүүгчдийн мэдээлэл дээр үндэслэн татаж авлаа. Мөн УДШ-д шударга шүүгч нар байгаа юм байна. Тиймд тэрхүү шүүгч нарт баярлалаа гэдгээ дахин илэрхийлж байна. Цаашдаа бид шударга шүүх тогтолцоог хараат бус байлгахын төлөө ажлаа эхлэх нь зүйтэй гэж үзэж байна. Ингээд өнөөдрийн тайван жагсаалыг хааж байгааг мэдэгдэж байна.