“Архийг удаан хугацааны турш хэтрүүлэн хэрэглэсэн хүнд чихэнд хий зүйл сонсогдох, айж түгших зэрэг шинж илэрдэг“

Aдмин / Эрүүл мэнд

Сүүлийн үед архинаас шалтгаалсан сэтгэцийн эмгэгээс болж амиа хорлохыг завдах явдал их гардаг болсон. Энэ талаар УНТЭ-ийн Сэтгэцийн эмгэг судлаач, сэтгэл заслын эмч А.Оюунжаргал дараах зөвлөгөө мэдээлэл өглөө.

Архины шалтгаант солиорол гэж юу вэ?

Архины шалтгаант солиорлын үндсэн шалтгаан:

  1. Цочмог хордлого- Согтуу байх үед солиорол илрэх. Байгаа орчин, хажууд байгаа хүмүүс, өөрийн тухай гэх мэт энгийн зүйлсийг буруу зөрүү ярих, бодитоор үнэлж чадахгүй байх. Энэ нь ихэвчлэн согтууруулах ундааг хэтрүүлэн хэрэглэсэн үед тохиолдоно.
  2. Архины шалтгаант хий үзэгдэл- Архи, согтууруулах төрлийн ундааг удаан хугацааны турш хэтрүүлэн хэрэглэсэн хүнд чихэнд хий зүйл сонсогдох, нүдэнд хий зүйл харагдах зэрэг хий үзэгдлийн хам шинж илэрдэг.

Шинж тэмдэг:

  • Бодит бус хий яриа, чимээ сонсогдох, нүдэнд харагдах, хамарт үнэртэх
  • Дээрхи зүйлсийгээ бодит гэж итгэн айж түгшинэ, уурлана, уйлна г.м сэтгэл хөдлөлийн хариу урвал үзүүлнэ.
  • Бусдыг өөрт нь хор хохирол учруулах гэж байна гэсэн итгэл үнэмшилтэй байх,
  • Айж түгшсэн, яарч сандарсан, тогтворгүй хурдан түргэн хөдөлгөөнтэй байх,
  • Үг яриа замбараагүй, бодит байдалд үл нийцэх зүйлсийг ярих, тухайн орчиндоо үл нийцэх үйл хөдлөл гаргах / Жишээ: Эмнэлэгт эмчлүүлж байгаагаа гэртээ байна гэж ярих, эхнэрээ өөр хүн байна гэж таних, хэн нэгэн түүнийг алахаар заналхийлж байна гэх итгэл үнэмшилтэй байх г.м/

Эмчилгээ:

  • Архи, согтууруулах төрийн ундаанаас үүдэлтэй солиорлын үед хэрэглээг зогсооно. Солиорлын хам шинж илэрсэн тохиолдолд шинж тэмдгийг хянахын тулд тодорхой хугацаанд нарийн мэргэжлийн эмчийн хяналтын дор сэтгэцийн эм хэрэглэх шаардлагатай болдог тул Сэтгэцийн эрүүл мэндийн үндэсний төв, Наркологийн төв зэрэг архины шалтгаант эмгэгийн үед тусламж үзүүлдэг нарийн мэргэжилийн үндэсний төвүүдэд цаг алдалгүй хандаж тусламж авах шаардлагатай.

Фактууд:

  • Дэлхий даяар жил бүр 3 сая хүн архины хор хөнөөлийн улмаас нас барж байна. Энэ нь нийт нас баралтын 5.3 хувийг эзэлж байна. Согтууруулах ундааны хор хөнөөлтэй хэрэглээ нь 200 гаруй өвчин, гэмтлийн шалтгаан болдог.
  • Согтууруулах ундааны хэрэглээ нь харьцангуй эрт нас барах, хөгжлийн бэрхшээлтэй болоход хүргэдэг. 20-39 насны хүмүүсийн нийт нас баралтын 13.5 орчим хувь нь архинаас үүдэлтэй байна.
  • Согтууруулах ундааны хор хөнөөлтэй хэрэглээ болон сэтгэцийн болон зан үйлийн янз бүрийн эмгэгүүд, бусад халдварт бус нөхцөл байдал, гэмтэл бэртлүүдийн хооронд учир шалтгааны холбоо байдаг.
  • •Согтууруулах ундааны хор хөнөөл нь эрүүл мэндэд үзүүлэх сөрөг үр дагавраас гадна хувь хүн болон нийгэмд нийгэм, эдийн засгийн томоохон хохирол учруулдаг.


Сэтгэгдэл

Tuya [192.82.91.31] 2022-05-26 06:52:36

Ene unen shu bie mah bodioro ene asudaltai nuur tulj garj dabsan setgel in hat ih nuluulnue

Халдун [192.82.67.77] 2022-05-25 19:29:07

Маш энгийн зүйлийг ч ойлгохгүй дэргэдэх хүнээ маш их зовоож байснаа ойлгодог юм байналээ. Хардалт хэрүүл дэл сул маргаан тартагтаа тулдаг. Зүгээр л бусад хүмүүсийн адил хэрэглэх үедээ л хэрэглэж байгаа юм шиг санагдаад явж байна. хамааралтай болсоноо дотроо ойлгож эхлэх боловч гаднаа хүлээн зөвшөөрөхгүй, өөртэйгөө ч зөрчилдөнө. Яг энэ үедээ аз одтой аавын хүү өөрийгөө татаад гаргах ухаан аз 2ыг хайж эхэлнэ....төсөөлхөд ч бэрх сорилтын өмнө ирсэн байна... энэ үедээ л өөрийгөө татаж аваад хүн болчихсон байхад энгийн нэгнээс илүү ихээр дэргэдэх хүмүүсээ хайрладаг болдогдоо. Өөрийнхөө новш байсан үеийг бодох болгонд бие арзайж улам л тохь томоотой хүмүүн болж эхэлнэ. хөгийн шальдар булдар зүйлийн араас хөөцөлдхөө болино, илүү их уучилж ухаарж боддог болно....Яг л энэ үеийг ихэнх эрчүүд дайраад гардаг.. заримд нь өөрийн ухаан дутаж осолдоно, заримд нь сайн хань л дутаж энэ орчлонд осолдоно. Газарт тэднийг хумхын тоос мэт амьдрал зөөлхөнөөр энхрийлэн хүлээн авнадаа.

Суугий [66.181.160.70] 2022-05-23 14:01:46

Яг үнэн шүү хий юм хараад сонсоод байдаг болчдог шүү.Ярьж байгаа юм нь ямарч утга учиргүй хардалтын шинж чанартай муу муухай энгийн зүйлийг ч үнэн ярьж чадахаа байждаг юм билээ.Тухайн үедээ уур хүрээд их хэрэлддэг байсан одоо бодоод байхад их өрөвдмөөр байдаг байжээ


3 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
3 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.