МОНГОЛЫН ҮНДЭСНИЙ ХУДАЛДАА АЖ ҮЙЛДВЭРИЙН ТАНХИМ

09:00 цагт: “Гадаадын ажиллах хүч, цахим виз, хөрөнгө оруулалт, хил орчмын аялал жуулчлалыг хөгжүүлэх талаар санал солилцох нь” сэдэвт уулзалт болно. Уулзалтаар хөрөнгө оруулалтын эрхзүйн орчин, гадаадын ажиллах хүч болон виз зөвшөөрөл, цахим виз олголт, хил орчмын аялал жуулчлалыг хөгжүүлэх талаар холбогдох төрийн байгууллагууд мэдээлэл хийж, хувийн хэвшлийн төлөөлөлтэй санал солилцон, тулгарч буй асуудлуудаа нээлттэй ярилцана. Утас: 88020633

11:00 цагт: Жижиг, дунд үйлдвэрлэл эрхлэгчдэд зориулсан "КОВИД-ын дараах бизнесийг эрчимжүүлэх менежментийн хөтөлбөр" олон улсын сургалт эхэлнэ.

ЗЭВСЭГТ ХҮЧНИЙ 084-Р АНГИ

09:30 цагт: Хүүхдүүдэд зориулсан нээлттэй хаалганы өдөрлөг зохион байгуулна. Саяхан зохиогдсон бүх нийтийн цэргийн спортын тэмцээнээс тус анги 1-р байрын шагнал хүртсэн талаарх мэдээллийг хүргэнэ. Утас: 89115180

ХҮНС ХӨДӨӨ АЖ АХУЙ, ХӨНГӨН ҮЙЛДВЭРИЙН ЯАМ

10:00 цагт: "Дэлхийн сүүний өдөр"-ийн хэвлэлийн хурал болно. Сануулахад жил бүрийн зургаадугаар сарын нэгэнд Дэлхийн сүүний өдөр тохиодог. Энэ өдрийг манай улс 2016 оноос эхлэн тэмдэглэж байна.

НИЙСЛЭЛИЙН ИРГЭНИЙ ТАНХИМ

11:00 цагт: Сүхбаатар дүүргийн Прокурорын газраас санаачлан ахлах ангийн сурагчдыг гэмт хэрэг, зөрчлөөс урьдчилан сэргийлэх зорилгоор зохион байгуулсан “Эерэгээр нөлөөлье” аяны хаалт болно. Утас: 96646863

ҮНДЭСНИЙ МЭДЭЭЛЛИЙН ТӨВ

11:00 цагт: “Чингис хааны” ач хүү Бат хааны түүхийг өгүүлэх Унгар-Монгол-Их Британы хамтарсан “1242 Gateway to the West буюу Барууны хаалган дээр” кинонд бага насны эрэгтэй хүүхэд хүчирхийлдэг Холливудын жүжигчинг тоглуулах гэж байгааг эсэргүүцэн Монгол талын “Махаан пикчерс ХХК”-ийн хуульчдын зүгээс хэвлэлийн бага хурал зарлалаа. Тус компанийн зүгээс уг уран бүтээлийн хамтын ажиллагааны гэрээнээс татгалзаж оюуны өмчөө хуулийн дагуу хамгаалах талаар мэдээлэл хийнэ.

ШОНХОР ТАУЭР

11:00 цагт: Ардчилсан намын ээлжит 4/11 мэдээллийн цаг болно.

Q ART GALLERY, BELLA VISTA TOWN

11:00 цагт: "Playtime" наадмын талаарх хэвлэлийн бага хурал зарлалаа. 20 дахь жилдээ зохион байгуулагдах гэж буй "Playtime" хөгжмийн наадмын энэ жилийн үзэл санаа, онцлог, уран бүтээлчид, хөтөлбөрийн тухай түүнчлэн 20 жилийн ойн хүрээнд бүтээгдсэн бүтээлүүд, арга хэмжээнүүдийн тухай мэдээлнэ. Утас: 86115200

СПОРТЫН ТӨВ ОРДОН

11:00 цагт: Пауэрлифтингийн ДАШТ-ээс медаль хүртсэн баг тамирчид болон дэлхийн дээд амжилт тогтоосон Хөдөлмөрийн баатар, гавьяат тамирчин Э.Содномпилжээ, ОУХМ Б.Чимэдцэрэн нар хэвлэлийн хурал хийнэ.

МУБИС-ИЙН ТӨВ БАЙР

14:00 цагт: Шалгарсан 30 оюутанд сургалтын төлбөрийн тэтгэлэгийн батламж гардуулна. Утас: 88102915