Гадныхныг бурхан шиг тахидаг үзэл нь залилангийн гэмт хэргийн золиос болгож байна гэв

Aдмин / Эдийн засаг

-ХЭН НЬ МЭДЭГДЭХГҮЙ ГАДААД ЭРД СЭТГЭЛ АЛДАРСАН МАЛЧИН ЭМЭГТЭЙ 200 ГАРУЙ САЯ ТӨГРӨГ ШИЛЖҮҮЛЖ ЗАЛИЛУУЛЖЭЭ-


Цагдаагийн Ерөнхий газраас залилан мэхлэх төрлийн гэмт хэрэг гаарч буйг анхаарууллаа. Тэр дундаа цахим залилан голлох хувийг эзэлж байгаа гэнэ. Тодруулбал, гадны улс орны гэмт бүлэглэлүүдээс Монгол Улсын иргэдийг хараандаа оруулчихсан байгааг онцолж байгаа юм. Хил дамнасан залилангийн гэмт хэргийн эзэн холбогдогчийг илрүүлж, хохирол барагдуулахад хүндрэлтэй байгааг ЦЕГ-ын мөрдөгчид хэлж байна. Гэмт бүлэглэлүүдийн ашигладаг IP хаяг нь хуурамч байдаг ажээ.

Монгол Улсын иргэд фэйсбүүк орчинд аль улсынх нь мэдэгдэхгүй иргэдтэй харилцаа тогтоож, данс руу нь хэд хэдэн удаагийн үйлдлээр их хэмжээний мөнгө шилжүүлсэн тохиолдол гарчээ. Тодруулбал, Монгол Улсын иргэн гурван эмэгтэй гадаадын иргэдтэй хувийн харилцаа тогтоож цахим хайр дурлалын улмаас 147,800 ам.доллар буюу 443 сая төгрөг шилжүүлсэн байна. Хамгийн сүүлд л гэхэд хэн нь мэдэгдэхгүй гадаад эрд сэтгэл алдарсан малчин эмэгтэй 200 орчим сая төгрөг шилжүүлж хохирчээ. Цагдаагийн байгууллагаас энэ төрлийн залилангийн гэмт хэрэг өдөрт хамгийн багадаа таван удаа бүртгэгдэж байгааг хэлж байгаа юм.


ЦЕГ-ын Мөрдөн байцаах албаны мөрдөгч Д.Энхчулуунаас залилангийн хэргийн нөхцөл байдлын талаар тодрууллаа.


-Малчин эмэгтэй гадаадын иргэнд 200 орчим сая төгрөг залилуулсан хэрэг гарчээ. Хэргийн талаар тодруулахгүй юу. Тэр их мөнгийг ямар шалтгааны улмаас шилжүүлсэн байх юм?

-Тухайн эмэгтэй рүү гадаад нэртэй аккаунтаас хандаж “Монгол бол их сайхан байгальтай газар. Би танай улсад очиж өөртэй чинь хамт амьдарна. Над руу урилга явуулах хэрэгтэй байна” гэх байдлаар харилцаа үүсгэж малчин эмэгтэйн итгэлийг олсон байгаа юм. Ингээд янз бүрийн зураг илгээгээд л цахимаар хайр дурлалын харилцаа үүсгэсэн байдаг. Энэ явцдаа Монголд оршин суух хүсэлт илгээхэд шимтгэл нь тэдэн төгрөг болно гэх байдлаар хохирогч эмэгтэйгээс мөнгө авсан байгаа юм Нийт 78 мянган ам.доллар шилжүүлсэн нь шалгалтын явцад тогтоогдсон.

-Тухайн эмэгтэйтэй монгол хэлээр харилцсан байх юм уу?

-Тийм. Ингэхдээ google translate юм уу хөрвүүлдэг программ ашигласан байж болно. Чатыг нь шалгахад “Чамд би хайртай болчихлоо. Уулзахын тулд надад тусламж хэрэгтэй байна” гэх ч юм уу, иймэрхүү арга барилаар залилсан байна лээ. Ийм төрлийн залиланг романс төрлийн гэмт хэрэг гэж нэрлээд байгаа юм.

-Хохирогч эмэгтэй барааг нь ч хараагүй хүний данс руу 200 орчим сая төгрөг шилжүүлсэн гэхлээр санаанд багтахгүй байна л даа. Иргэд ийм гэнэн байна уу?

-Тийм. Хохирогч эмэгтэйгээс тодруулахад фэйсбүүк хаягаар ярьж ч амжилгүй, чат бичиж байгаад л мөнгө шилжүүлчихсэн байгаа юм. Иргэдийн зүгээс цахим хэрэглээний мэдлэгээ сайжруулах шаардлагатай байгаа нь эндээс харагдаж байна. Хэн нь мэдэгдэхгүй, аль улсаас ч холбогдож байгаа нь тодорхой биш этгээдтэй харилцаа үүсгэнэ гэдэг аюулгүй байдал талаасаа байж болохгүй асуудал гэв. Дээрх үйлдлийн хохирогч холбогдож ярьж амжилгүй мөнгө шилжүүлсэн шалтгаанаа “Ичээд ярьж чадаагүй” гэх байдлаар тайлбарлажээ.

Романс төрлийн залилан дан ганц фэйсбүүкээр ч бус инстаграм гэх мэт бусад платформуудаар ч явагдаж байгааг ЦЕГ-аас сэрэмжлүүлж байгаа юм.

Мөн Монгол Улсын иргэн О Америкийн иргэн гэж өөрийгөө танилцуулсан Aliso гэх иргэнтэй харилцаа тогтоож олон улсын мөнгөн гуйвуулга ашиглаж 18 удаагийн үйлдлээр 80 орчим мянган ам.доллар шилжүүлсэн хэрэг 2020 онд гарчээ. Хохирогчийн тухайд гэмт этгээдтэй дөрвөн сар орчмын хугацаанд фэйсбүүкээр харилцсан бөгөөд блоклуулсныхаа дараа залилуулсан гэдгээмэдэж хуулийн байгууллагад хандсан байна. Заллилагч этгээд өөрийгөө хувийн компанитай гэж танилцуулсан бөгөөд гүйцэтгэлийн мөнгө орж ирэхээр хэд дахин нугалж өгнө, танай улсад шинэ салбараа нээж зах зээлээ тэлнэ, хувийн орд харш барьж өгнө, цаашид хамтарч ажиллана гэх байдлаар итгэл үнэмшил төрүүлж залилжээ. Дээрхтэй төстэй байдлаар иргэн С 33.500 доллар залилуулсан байна. Турк улсын харьяат өөрийгөө малын эмч гэж танилцуулсан этгээд шувууны ханиадны вакцин гаргаж байгаа, танай улс руу нийлүүлбэл бид өндөр ашиг олно гэх байдлаар итгэл үнэмшил төрүүлж залилжээ.

Сүүлийн үед залилагч этгээдүүд “ Би АНУ-ын тусгай хүчинд ажилладаг. Удахгүй халагдана. Монгол руу аялахаар төлөвлөж байна. Монгол шиг амар амгалан газар амьдрахаар шийдсэн” гэх байдлаар монгол эмэгтэйчүүд рүү чат бичиж залилахыг завдаж байгааг ЦЕГ-аас сэрэмжлүүлж байна.


Монгол эмэгтэйчүүдийн гадныхныг бурхан шиг тахидаг үзэл нь гэмт хэргийн золиос болгож байна гэв


Монгол эмэгтэйчүүд хаанахын хэн нь мэдэгдэхгүй хүнтэй фэйсбүүкээр танилцаж, дотно харилцаа тогтоож их хэмжээний мөнгө залилуулж байгаа үйлдлийг сэтгэл зүйчид гадныхныг тахин шүтэх үзэлтэй нь холбон тайлбарлаж байна. Нийгмийн сэтгэл судлаач Л.Энхжаргалаас энэ талаар тодруулга авлаа.


-Манайд залилан мэхлэх төрлийн гэмт хэрэг огцом нэмэгдсэнийг ЦЕГ-аас анхааруулж байна. Хэн нь мэдэгдэхгүй хүний данс руу хэдэн арван сая төгрөг шилжүүлсэн байх юм. Бид ийм гэнэн байгааг сэтгэл судлаачийн зүгээс яаж харж байна вэ?

-Олон хүчин зүйл нөлөөлнө л дөө. Гэнэн итгэмтгий зан монголчуудын геньд нь байдаг. Залилагчдын зүгээс хөгжил буурай орныг онилж гэмт үйлдлээ хийж байгааг хуулийн байгууллагаас онцолж байна лээ. Технологийн мэдлэг, мэдээлэл тааруу байдаг болохоор тэр л дээ. Мөн гадны улс орныхныг тахин шүтэх үзэл манайд түгээмэл бий. Энэ нь залилагчдад өгөөш болж байгаа юм. Гадны нэг нөхөр ирэхэд л дээр дооргүй бужигналдаж гүйдэг, оройдоо залдаг шүү дээ, бид. Гадаад хүн л гэхлээр огт хулгай, луйвар хийдэггүй гээд бурхан шиг тахидаг үзэл манайд дэлгэрээд байгаа нь залилангийн гэмт хэргийн хохирогч болоход нөлөөлж байна. Ийм төрлийн гэмт хэргийн хохирогч ирж надаас зөвлөгөө авсан. Хохирогч сэтгэл зүйн гүн дарамтад ордог юм билээ. Бусадтай хуваалцахаас ичиж санаа зовно. Асуудал даамжирвал амиа ч егүүтгэх эрсдэлтэй.

-Гадаадын этгээдтэй харилцаа үүсгэсэн шалтгаанаа хэрхэн тайлбарлаж байх юм?

-Гадаад хүнийг л бурхан шиг тахидаг үзэл нь залилуулахад нөлөөлсөн байгаа юм. Энэ үйлдлээ ойр орчмынхондоо хэлж чадахгүй, сэтгэл зүйн гүн хямралд орчихсон байна лээ. Хэнийг нь ч мэдэхгүй хүн рүү их хэмжээний мөнгө шилжүүлсэн шалтгаанаа тайлбарлахдаа “Хайртай болчихсон юм” гэж хэлсэн. Гэр бүлийн хүний хайр халамжаар дутаж явсан нь эндээс харагдаж байгаа биз. Нийгмийн бухимдал, стресс ч үүнд тодорхой хэмжээгээр нөлөөлж л байгаа юм.

ӨДРИЙН СОНИН: ОЮУНХҮҮГИЙН ДАШНЯМ

image


Сэтгэгдэл

Зочин [118.221.209.45] 2022-06-22 15:50:50

хэнд ч тоогддоггүй авгай нар амархан хууртдаг байх

Зочин [118.221.209.45] 2022-06-22 15:49:32

гадаад хүн сайн гэж хэн заасан юм бэ гадаадад муу хүн олон шдээ

Зочин [192.82.90.149] 2022-06-22 05:27:43

Америк гэж үндэстэн байхгүй ш дээ. Америкийн харъяат эмэгтэйтэй таарвал алыг нь зад шаа.

Зочин [192.82.75.173] 2022-06-21 14:32:32

hahaha. unetei yumand mungu ureed hereggui shuu genee.

Оноч [202.70.36.122] 2022-06-21 18:23:04

Аягүй бол эмэгтэй хүн ч байж болно. Эмэгтэйчүүдийн сэтгэлзүйг сайн мэддэг л гэсэн үг.

Onoch [202.70.36.122] 2022-06-21 18:22:33

Ер нь бичсэнээс нь харахад гүүгль орчуулга гэмээргүй л юм бна. Монгол хүн гадаад эрийн дүрээр хулхидсан юм биш үү.

Зочин [202.126.89.15] 2022-06-21 07:47:13

Ер нь бол асуудлын цаад шалтгаан нь хүний сэтгэлийн эрэлт хэрэгцээ л гэж харж бн 1 өдөр, 1 сарын хайр энхрийллийн төлөө хүн юугаа ч золиход бэлэн байнашд! Сэтгэлийн хоосрол, ганцаардлаас болсон бн.Материаллаг биш сүнслэг хэрэгцээг нь хангаж бүсгүйчүүдээ хайрла! Өөрч юмгүй дээ. Ккк

h [202.9.46.86] 2022-06-21 04:14:34

hohinee

Зочин [139.5.219.251] 2022-06-21 00:50:38

200 сая төгрөгтэй малчин хүүхэн хаха нөхөртэй бсан юмүү нөхөргүй бсан юмүү нөхөргүй бол яахлаараа 200 сая төгрөг олдог новш бэ.кккк

Иргэн [139.5.218.90] 2022-06-21 00:22:27

Өөрсдийг нь тоож байна гэж монгол хүүхнүүд бодсон бололтой. Монголчууд нь халтар ба ядуугаа мэдэхгүй, зиндаа гэдгийг ойлгодоггүй галзуу өвчтэй улс байгаа юм. Хирээ мэдэхгүй байж бас эрлийзүүдийг гадуурхах санаатай. Хэн нь ялдгийг харж байгаа биз дээ.

Зочин [220.121.221.173] 2022-06-20 22:04:53

Mungutei teneguud ih bn aa

Иргэн [192.82.75.169] 2022-06-20 18:44:49

Гадаадзальтангууд чинь Тэр улсынхаа хамгийн ядуу луйварчид байдаг юм шүү !!!!!!!!

Зочин [202.126.90.135] 2022-06-20 17:14:45

Сэргэлэн эр, монгол байгаа, тэнэгийг нь мэддэг,

Батий [66.181.182.104] 2022-06-20 15:14:18

Хаха хамаг юмаа хуйалуулжээ хохин илүү харж билүү долоосон юмнууд. Ийм юмнуудыг бурхан цаанаас нь шийтгэж бгаан. Айлын нөхөр уруу татаж гэр бүл үймүүлж мөнгөө бардаг авгай нар бас бна аа. Мөнгөөрөө юугч авч болно гээд бодцон.

Зочин [66.181.185.89] 2022-06-20 15:09:37

Тэнэг хүмүүс яагаад ийм их мөнгөтэй бган бол

Зочин [66.181.160.55] 2022-06-20 14:47:18

Над руу гадаадаас ойролцоо насны хүнээс найзын хүсэлт ирэхээр нь шууд устгадаг шдээ. Тэнэг авгайг маллая гэж боддог биз. Хүүхнүүд минь битгий хүлээж аваад бай. Ялангуяа чи өөрөө гадаад хэлгүй бол шууд устга. Олон улсын хэмжээнд ийм луйвар их гарч байгаа шүү. Хэдэн жилийн өмнө орос авгай нарын уйлж дуулж байгаа бичлэг үзээд л ямар эрсдэлтэйг ойлгож авсан

зочин [112.72.6.94] 2022-06-20 14:21:16

Эргүү мангараар нь дуудаж байгаа Монгол эрчүүдэд хэлэхэд зүгээр эмэгтэйчүүдээ хайр халамжаар битгий дутаагаач. Энэ бүхэн цаад утгаараа Монгол эрчүүдийн арчаагүй, хүнд халамж тавьж чаддаг, эрийн хугархай болж амьдардаг байдлаас үүдэлтэй шүү дээ

Zochin [66.181.161.127] 2022-06-20 13:40:06

Chamaigaa hurdan ochij jargaah ymsaan gd neg zurag uzuulsen biz,ha ha

Зочин [106.254.204.43] 2022-06-20 13:30:32

хахаха ёоо нээрээ юу ч гэхэв дээ ёстой хохь нь л гэхээс. Ядаж байхад яасан ч их мөнгөтэй юм бэ дээ. Ядуу ядарч байгаагаа л гайхаад байдаг байж кккк. Аль нэг гадаадын хаана ч юм манайхан шиг тэнэг хүмүүс байхгүйн байх даа. Хайртай очиж амьдарна гэж шааж байгаад жоол саахынсан ккк. Гоё гоё хүүхнүүдийн зураг про дээрээ тавьж байгаа л google translate ашиглаа л болоо

Зочин [202.9.46.170] 2022-06-20 13:20:11

Гэнэн тэнэг мунхаг ард түмэн худалч луйварчид залилан мэхлэгчдийг өөгшүүлж байдаг.

Цэцэг [76.100.43.1] 2022-06-20 13:07:24

Гадаад хүн гээд соёлч боловсон сайн хүн байхгүй ийм зүйлд итгэх ч гэж дээ фэйсээр хайртай дуртай болно ч гэж юу байх вэ дээ ???

zochin [66.181.161.33] 2022-06-20 12:17:49

Сэтгэл зүйч оновчтой хариултыг ярьжээ. монгол эмэгтэйчүүдэд гэр бүлийн хайр халамж , хамт олны сайхан тусч харилцаа үгүйлэгдэж бна даа

Жаргал [203.91.115.47] 2022-06-20 12:17:14

Эргүү авгай нар юун үхсэний нь хайр дурлал монгол эрчүүд хааччихсан юм хохь нь яасан их мөнгөтэй юм

Зочин [203.91.115.45] 2022-06-20 12:38:26

Яг үнэн


24 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
24 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.