Л.Эрхэмбаяр: Ийм байвал магтаалын үг хайрлалгүй яахав, З.Мэндсайхан сайдад ТАЛАРХАЖ БАЙНА

Aдмин / Нүүр

Өнөөдрийн Засгийн газрын хуралдаанаар “Чөлөөт бүсээс гаалийн нутаг дэвсгэрт оруулахад гаалийн болон нэмэгдсэн өртгийн албан татвараас чөлөөлөх зорчигчийн худалдаж авсан 3 сая төгрөг хүртэл үнийн дүнтэй барааны нэр төрлийн жагсаалт”-аас “шувууны өндөг”-ийг хасах тухай асуудлыг хэлэлцэж шийдвэрлэлээ.

Учир нь Чөлөөт бүсийн тухай хуулийн дагуу өндөг импортлогч аж ахуйн нэгж зорчигчийн нэр дээр бүрдүүлэлт хийж, татварын хөнгөлөлтийг ашиглан Монгол Улсын стандартын шаардлагад нийцээгүй, эрүүл ахуйн горим алдагдсан, их хэмжээний өндөг зах зээлд нийлүүлэх, улмаар дотоодын үйлдвэрлэлийг эрсдэлд оруулах нөхцөл үүсээд байв. Ингэснээр гарал үүсэл тодорхойгүй, татвараас зайлсхийсэн, эрүүл ахуйн горим алдагдсан өндөг зах зээлд нийлүүлэгдэж, иргэдийн хүнсний аюулгүй байдалд нөлөөлж байгааг албаныхан тооцоо, судалгаатай гаргажээ.

Түүнчлэн Алтанбулаг чөлөөт бүсээр дамжуулан ОХУ-аас 2022 оны эхний 6 сарын байдлаар хадгалалтын хугацаа нь дуусах дөхсөн, ижил төрлийн импортын өндөгнөөс 30 хувь, дотоодын өндөгнөөс 80 хувь тус тус хямд 6.6 сая ширхэг өндгийг зорчигчийн нэр дээр импортолсон зөрчил гарчээ.

Иймд өнөөдрийн Засгийн хуралдаанаар ХХААХҮ-ийн сайд З.Мэндсайхан ЗОРЧИГЧИЙН НЭР ДЭЭР БҮРДҮҮЛЭЛТ ХИЙЖ ЧӨЛӨӨТ БҮСЭЭР НЭВТРҮҮЛЖ БАЙГАА ӨНДӨГНИЙ НИЙЛҮҮЛЭЛТИЙГ ХЯЗГААРЛАХ саналыг оруулж, хуралдаанаар ийнхүү дэмжигдсэн байна.

Үүний үр дүнд хэрэглэгчийн эрх ашгийг хамгаалах, шударга өрсөлдөөнийг бий болгох нөхцөл бүрдэнэ хэмээн харж байгаа аж.

Засгийн газрын хуралдаанаар гаргасан уг шийдвэртэй холбогдуулан "Түмэн шувуут" ХК-ын Захирал Л.Эрхэмбаяр цахим орчинд ийнхүү сэтгэгдэл үлдээжээ.

Тэрбээр "Овоо доо овоо. Ийм байвал магтаалын үг хайрлалгүй яахав. Ам ажил нь нийцсэн зөв шийдвэр боллоо. Үйлдвэрлэгчидтэйгээ санал солилцож асуудлыг шуурхай шийдсэн З.Мэндсайхан сайдад талархаж байна аа. Ажилд нь амжилт хүсье" гэжээ.

ХХААХҮ-ийн сайд З.Мэндсайханы хувьд үндэсний үйлдвэрлэгчидтэй уулзах үеэрээ дээрх асуудлыг шийдвэрлэх талаар хэлж байсан нь ийнхүү биелэлээ олжээ .

Манай улсын хувьд өндөгний 50 хувийг импортоор, 50 хувийг дотоосоо хангадаг. Аж ахуйн нэгжүүд өндөг импортлоход гаалийн албан татвар 15 хувь, НӨАТ-ын 10 хувийн татвар төлдөг байна.


Сэтгэгдэл

зочин [103.26.194.14] 2022-06-22 22:54:59

Оросын өндгийг 3 сар хадгалж болно гэдэг нь юу гэсэн үг вэ? Өндгийг 3 сар хадгалж болох уу? Хадгалалтын горим, хугацаа зөрчсөн орос өндөгнөөс үүдэн гарах эрсдэл, өвчлөлийг хэн хариуцах вэ? Орос өндөг Монгол өндөгнөөс амт, чанарын хувьд муу биз дээ? орос өндгийг иргэд худалдан авахгүй байхад л уг нь болно биз дээ?

Зочин [103.57.93.80] 2022-06-23 15:16:19

ГЭХДЭЭ ДОТООДЫН ӨНДӨГ ҮЙЛДВЭРЛЭГЧ КОМПАНИ МОНОПОЛПОЖ ӨНДӨГНИЙ ҮНЭЭ ӨСГӨЖ БАЙГАА ШҮҮ. ХЭРЭВ ГАДААДААС ИМПОРТОЛСОН ӨНДӨГ ДОТООДЫНХООС ХЯМД БАЙВАЛ ГАДААДЫНХЫГ НЬ АВНА ШҮҮ. ЭРХЭМБАЯР ЧИ ӨНДӨГНИЙ ҮНЭЭ БУУРУУЛАА ХЭТ ӨСӨГӨСӨН БАЙГАА. ТЭГЖ МОНОПОЛДОЖ ШУНАХГҮЙ ШҮҮ

Зочин [202.55.188.99] 2022-06-22 19:54:56

Импортыг зогсоочихвол дотоодынхон үнээ дураараа нэмдэг шүү.

Зочин [202.131.243.182] 2022-06-22 19:37:29

Үндэсний үйлдвэрлэлээ дэмжье гэхээр үнээ нэмэхээ л болих хэрэгтэй.одоо энэ цементийг ххрж байгаа биз.

Zochin [202.126.90.66] 2022-06-22 19:06:13

Худлаа бичихээ болио. ГААЛИЙН ТАТВАР + НӨАТ=5.5%+10%=15.5% шүү

Zochin [202.126.90.66] 2022-06-22 19:04:33

Za daa neg ih saihan medee bish ee. Uchir ni importlogch yildverlegch nar ygseed undugnii une nemegdene gesen yg l dee!!!

Зочин [192.82.68.240] 2022-06-22 19:01:12

Өндөгний үнэ өснө гэсэн үг, баярлах зүйл алга

Зочин [188.162.254.5] 2022-06-23 11:51:09

Тийм байна баярлах зуйл алга. Орос ондог хэрэггуй хятад ондог хэрэгтэй гэж ойлгогдож байна


8 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
8 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.