Та бүхэн ард түмнийхээ эрх ашгийг бодох цаг болсон. Аль талд байгаагаа одоо тодруулна уу. Хужаатай нийлээд Монгол Улсаа зарах гээгүй бол биднийхээ талд ажиллаасай.Төрийн ширээ, хэдэн төгрөгт орооцолдож суугаад ард түмнээсээ хөндийрөх хэрэггүй. Бүгд Монгол аав ээжийн хүүхдүүд байх гэж найдаж байна. Сошиал ертөнцийг харахаар эрлийз, хурлийзууд монголыг самарч байна гэнэ. 47-р өргөргөөр хувааж, малчин ард түмнийг бүгдийг нь барьж хорих нь л дээ. Над шиг өвгөнөөс авхуулаад уул уурхайг бүгд эсэргүүцнэ. Мал, бэлчээ, авч ус, өвөлжөө, хэдэн үеэрээ амьдарсан хөх бууцаа хамгаална шүү дээ. Бариад л хийчих үү? Арай биш... Монгол төрийн бодлого явагдахгүй байна. Хэрвээ Бээжингээс удирддаг бол тэрийгээ шууд хэлчих. Бид нэгэнт ийм байдалд орчихлоо гээд хэлэх юм бол бид ойлгоно шүү дээ. Хэдэн мянган жилээр бид хоёр хөршийн дунд амьдарч, хүчирхэгжих үедээ хүчирхэгжиж болоод л байсан. Одоо яахав жаахан доройтоо л биз. Монголын ард түмэн доройдоо ийм болсонгүй. Тэнэг ард түмэн гэж байдаггүй, ухаангүй удирдагч гэж байдаг. Ухаарах цаг болсон бол ухаараачээ. Урвасан бол урваснаа ч хэл. Уур хүрээд хэлэх ч үг олдохгүй боллоо. Одоо та нар эндээс гараад ард бидэнтэй ойлголцсон, газар нутгаа ухуулахыг зөвшөөрсөн гэж тархи угаах юм шиг байна. Болохгүй бол айхтар хуулиа батлаад бүгдийг нь бариад шоронд хорино гэх. Бариад хий л дээ. Би хамгийн эхэнд тэмцэнэ. Надад гомдох, хохирох юм алга.

Өмнөговь аймгийн Хүрмэн сумын малчин Батхүү.

“ Говийн бүсийн уул уурхай, ил тод байдлын нэгдсэн чуулга уулзалт”-аас