Эрчим хүчний обьектуудын ШИНЭЧЛЭЛ-ийг үргэлжлүүлэн хэрэгжүүлэхээр ярилцжээ

Aдмин / Нүүр

ОХУ-ын Гадаад хэргийн сайд С.В.Лавров манай улсад айлчилж байна. Айлчлалын хүрээнд Монгол Улсын Гадаад харилцааны сайд Б.Батцэцэг ОХУ-ын Гадаад хэргийн сайд С.В.Лавровтой хэлэлцээ хийх юм.

Монгол Улсын Гадаад харилцааны сайд Б.Батцэцэг "Манай хоёр улсын дипломат харилцаа тогтоосны 100 жилийн ойг Улаанбаатар болон Москва хотод тэмдэглэн өнгөрүүлж, энэ жил бид харилцааны хувьд нэгэн шинэ зууныг эхлүүлээд байна.

Манай хоёр улс цар тахлын хүндрэл бэрхшээлийг хамтран даван туулж, харилцаагаа идэвхжүүлж байгаад баяртай байна. Монгол болон ОХУ-ын хамтын ажиллагааг иж бүрэн стратегийн үзэл санааны дагуу хоёр талын хүчин чармайлттайгаар урагшлуулах талаар ОХУ-ын Гадаад хэргийн сайд С.В.Лавровтой санал солилцлоо. Бидний харилцаа цар тахлын өмнөх байдалдаа эргэн орж, төмөр зам, агаарын харилцааг сэргээснээр иргэдийн харилцан зорчих урсгал болон худалдааны хэмжээ мэдэгдэхүйц нэмэгдэж байна.

С.В.Лавровтой сайдтай хийсэн хэлэлцээний үеэр өнгөрсөн жил Ерөнхийлөгч У.Хүрэлсүхийн ОХУ-д хийсэн айлчлалын үеэр тохиролцсон ажлуудын хэрэгжилтийг ярилцаж, харилцааны өнөөгийн байдлыг дүгнэж, цаашдын хамтын ажиллагаа, өндөр дээд түвшний айлчлалууд, мөн томоохон арга хэмжээ, төслүүдийн талаар санал солилцлоо.

Түүнчлэн шийдлээ хүлээж буй олон жил яригдсан асуудлын талаар ч ярилцаж, цаашид хэрэгжүүлэх арга хэмжээний төлөвийг тодорхойллоо.

Монгол, Оросын харилцан итгэлцсэн хамтын ажиллагааг улам бэхжүүлэх сонирхлоо хоёр тал нотолсон. Энэ хүрээнд худалдаа, эдийн засгийн хамтын ажиллагааг эрчимжүүлэх, тэнцвэржүүлэх, хамтарсан төслүүдийн явцыг урагшлуулах, хоёр талын байгуулсан баримт бичгийн хэрэгжилтэд анхаарах тал дээр санал нийлж, ярилцсан.

Манай хоёр улсын худалдааны хэмжээ 2021 онд хоёр тэрбум ам.доллар давсан. Үүнийг улам сайжруулах бүрэн боломжтой гэж үзлээ.

Сүүлийн үед хоёр улсын бүс нутаг хоорондын харилцаа эрчимжиж, хамтын ажиллагааны өргөн боломжууд нээгдэж байна. Хамтарсан үйлдвэрүүд байгуулах, тээвэр ложистикийн чиглэлд хамтран ажиллах сонирхол бидэнд бий. С.В.Лавров сайдтай өнөөдөр хамтарсан төслүүдийн талаар санал солилцлоо. ОХУ-аас БНХАУ руу байгалийн хий нийлүүлэх хоолойг Монгол Улсын нутаг дэвсгэрээр дамжуулан барих төслийн ажил хуваарийн дагуу хийгдэж байна. Мөн төмөр замаар манай улсын баруун болон зүүн талаар хоёр хөрштэйгөө холбогдох коридоруудын асуудлыг ярилцлаа.

Мөн эрчим хүчний салбарт эрчим хүчний объектуудын шинэчлэл, өргөтгөлийн хамтран төслүүдийг үргэлжлүүлэн хэрэгжүүлэхээр ярилцлаа" гэв.

Түүнчлэн хоёр улсын гадаад харилцааны асуудал эрхэлсэн сайд нар сансар судлалын салбарт хамтын ажиллагааг сэргээх, ерөнхий боловсролын сургууль байгуулах, Тэрбум мод үндэсний хөдөлгөөний хүрээнд хамтран ажиллахаар тохирчээ.

ОХУ-ын Гадаад хэргийн сайд С.В.Лавров "ОХУ-ын төлөөлөгчдийг халуун дотноор хүлээн авч буй та бүхэнд талархлаа илэрхийлье. Өнөөдрийн яриа хэлэлцээр маш амжилттай болж өнгөрлөө. Манай хоёр улсын хооронд сайн хөршийн харилцаа олон чиглэлээр хөгжиж байна" гэлээ.


Сэтгэгдэл

Зочин [43.242.242.59] 2022-07-06 13:08:52

Монголыг эрчим хүчний гачигдлаас аврах зүйл бол атомын цахилгаан станц шүү дээ. жижигхэн нутагтай Өмнөд солонгос л гэхэд 25 атомын цахилгаан станцтай бол дандаа газархөдөлж байдаг Ядон улс гэхэд 49 атомын цахилгаан станц байна. Бид уранаар баян мөртлөө яагаад 1 атомын цахилгаан станц барьж болохгүй байна вэ. Эрчим хүчээ дандаа гаднаас авч байх нь маш их алдагдалтай юм. хятад, оросууд бол атомын цахилгаан станц баривал аюултай гэж манай дарга нарын толгойг угаадаг мөртлөө өөрсдөө хэдэн арваар нь барьчихсан байна.

Бичиг үсэг мэддэггүй сэтгүүлчид. [192.82.88.124] 2022-07-06 01:58:29

Үсгийн алдаатай бичихээ болиочээ. ОБЬЕКТ гэдэг үгийг зөөлний тэмдэгтэй бичдэг юм уу?

Эрчим хүч [192.82.88.169] 2022-07-05 23:50:44

Дулааны станцаараа нийт хэргэлээгээ хангая. Сэргээгдэх эрчим хүч Эрдэнэбүрэн энэ тэр чинь аймаар үнэтэйм билээ. Тэр чигтээ өрийн хавханд унана. Хэзээ ч гаоч чадахгүй. Бага багаар аажимдаа нүүрсний станц хэргэлээгээ солиод явъя

Зочин [66.181.161.117] 2022-07-05 16:30:50

Манай сайд хөөрхөн хүүхнийг хэн ч тоохоо больсон энэ хөгшин бурхи хүчиндчихээ мэдэх байлгүй.

Зочин [202.55.183.178] 2022-07-05 16:00:03

Энэ муу алуурчинг яах гэж оруулсан юм бэ?

Pee [202.131.225.197] 2022-07-05 14:44:50

Yamar ch ashiggui ee, yuun ter koridor ene ter, Orosiin horig heden arvan jil urgeljilne. Oros ugaasaa showdaj l irsen yuun ikh ym goriddog ym. naad durak chini zugeer uruund oruulj baigaad NUB deer manai tald sanal uguurui l gej baigaa ym

Зочин [192.82.70.135] 2022-07-05 14:35:20

Сансрын юм ярьж дээ УЦС НЕФТ тулгамдаж байгаа асуудлууд яаах вэ ийм л агаарын юм ярих нь ойлгомжтой П,,,,,,


7 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
7 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.