ХИЧЭЭЛ ЭХЛЭХЭЭС ӨМНӨ СУРГУУЛЬ, ЦЭЦЭРЛЭГИЙН ӨРГӨТГӨЛ, ЗАСВАРЫГ ДУУСГАХЫГ ҮҮРЭГ БОЛГОВ

Aдмин / Боловсрол

Удирдах ажилтнуудын шуурхай зөвлөгөөний төгсгөлд дараах үүрэг, даалгаврыг өглөө. Тухайлбал,

Өвөлжилтийн бэлтгэл хангах ажлын хүрээнд

  • Нийслэлийн Засаг даргын 2022 оны “Нийслэлийн 2022-2023 оны өвөлжилтийн бэлтгэл хангах тухай” А/853 дугаар захирамжийн дагуу хэрэгжилтийг хангаж ажиллах. Хийж дуусаагүй, дутуу байгаа ажлуудаа эрс эрчимжүүлж ажиллахыг хариуцсан дарга нар сайтар анхаарах.
  • Инженерийн шугам сүлжээний засвар, шинэчлэлтийг эрчимжүүлж, төлөвлөсөн хугацаанд нь дуусгах.
  • Хүмүүсийн хөл хөдөлгөөн нэмэгдэх, хичээлийн шинэ жил эхлэхээс өмнө буюу наймдугаар сарын 15-ны өдөр гэхэд тохижилт бүтээн байгуулалт, зам засварын ажлуудыг дуусгаж, эцэслэх.
  • Сайжруулсан түлшний нөөцийн агуулахыг сайтар бэлтгэн, нөөц бүрдүүлэх ажлаа эрчимжүүлж, нөөцлөлттэй холбоотой тээвэрлэлтийн үйл ажиллагааг шуурхай шийдвэрлэж ажиллах.
  • Хичээлийн шинэ жил эхлэхээс өмнө сургууль, цэцэрлэгийн өргөтгөл шинэчлэлт, засварын ажлыг дуусгах.

Цаг үеийн асуудлын хүрээнд

  • Нийслэлийн хэмжээнд хэрэгжүүлэхээр батлагдсан төсөл, арга хэмжээний худалдан авах ажиллагааг яаралтай зарлаж дуусгах.
  • Хөрөнгө оруулалт, бүтээн байгуулалт, тохижилтын ажлыг эрчимжүүлж, захиалагчийн хяналтыг сайжруулж, хугацаанд нь зураг төсвийн дагуу хүлээн авах.
  • Цаашид хэрэгжихэд хүндрэлтэй төсөл, арга хэмжээнүүдийн шалтгаан, нөхцөлийг тодруулж, бүрэн хэрэгжих, хэрэгжих боломжтой төсөл арга хэмжээний төсөвт өөрчлөлт оруулах саналаа танилцуулах.
  • Намрын шинэ ургацын хүнсний ногоо гарахтай холбогдуулан ногоо тариалагч аж ахуйн нэгж байгууллагууд, хувь хүмүүсийг дэмжих, зөвлөн туслах үйлчилгээг шуурхай үзүүлэх, хүнсний ногоог нийслэлчүүдэд шууд гарт нь хүргэн худалдан борлуулах боломжоор нь хангахын тулд боломжтой борлуулалтын цэгүүдийн байршлыг нийслэл Улаанбаатар хотод гаргах ажлыг урьдчилан зохион байгуулж, ач холбогдол өгч ажиллах.
  • Ариун цэвэр, эрүүл ахуй, халдвар хамгааллын дэглэмийг бүх шатанд сахиулах, томуу, томуу төст өвчнөөс урьдчилан сэргийлэх зорилгоор хүн их цуглардаг газруудад гараа ариутгах, амны хаалт зүүх, хүн хоорондын зай барих асуудлыг нийслэлийн иргэдэд таниулан сурталчлах.
  • Коронавируст халдварын батлагдсан тохиолдлын тоо нэмэгдэж, тархах эрсдэл өндөр байгаатай холбогдуулан цаашид авч хэрэгжүүлэх арга хэмжээний төлөвлөгөө гарган, хэрэгжилтийг хангаж ажиллах.
  • Засгийн газрын 2022 оны “Нийслэлийн цэцэрлэгийн хүртээмжийг сайжруулах талаар авах зарим арга хэмжээний тухай” 218 дугаар тогтоолын хэрэгжилтийг ханган ажиллахыг тус тус үүрэг болгов.


Сэтгэгдэл

ЛАЙТАЙМ [202.179.24.101] 2022-07-19 08:46:57

НААД МӨНГӨ ТӨГРӨГИЙГ НЬ БҮРЭН ГҮЙЦЭТ ӨГ Л ДӨӨ. НААД ЗАСВАРЫН КОМПАНУУД ЧИНЬ ХААНААСАА МӨНГӨ ЦААС ОЛЖ ЗАСВАРАА ДУУСГАХЫН... . БАЙДГАА БАРЖ БАЙНА ШД. АЖЛАА ХИЙЛГЭНЭ... + АВИЛГАДНА.... ЭЦЭСТ НЬ МӨНГӨӨ ӨГӨХГҮЙ ...... ЛАЙТАЙМ

зочин [59.153.84.246] 2022-07-19 07:20:42

СХД харин ч маш их бүтээн байгуулалт хийж байна. Цэцэрлаг болгон өргөтгөлтэй болж байна. Зам талбайн гэрэлтүүлэг, олон сарайсан грашнууд цэгцлэгдлээ_ олон сайхан сургууль баригдсан. СХД-ээс нэр дэьшсэн, хотын дарга нартаа баярлаж явдаг шүү,

Сумъяа [103.10.21.250] 2022-07-19 05:47:26

Хотын дарга та 2 схд т юу хийсэн нөхдүүд вэ энэ сандаг орлогчоор бгаа юмуу схд т юуч хийгээгүй нөхөрдөө яаж албан тушаалаар шагнуулаад бнаа


3 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
3 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.