БШУЯ-ны сайд Л. Энхамгалан боловсролын салбар дахь хуурамч дипломын асуудал хөндөж эхэлсэн. Шалгалтын явцад 724 хуурамч,сэжигтэй 2000 диплом байна” гэж мэдэгдээд буй ч төрийн тусгай хамгаалалттай яамнаас бичиг баримт, бусад мэдээлэл хулгайд алдагдлаа гэх хачирхалтай мэдээлэл сайд өөрөө хийсэн. Харин үүнийг зарим иргэд “ нөгөө л нэг аргаараа улс төрчид, төрийн өндөр албан тушаалтнууд гэрэлд цохиулахаас сэргийлсэн арга байж мэдэх юм” гэж хардацгаажээ.

Эсвэл зориуд яаманд хулгай орж чухал мэдээллийн санг гартаа оруулсан зохион байгуулалттай хэрэг ч байж мэдэх... Ямар ч байсан багш нарын хуурамч диплом хэдэн зуугаараа илэрч байхад бусад салбарынханы үзүүлэлт ямар байхыг таашгүй. Монгол улсын хуулинд төрийн албанд ажиллах хүн заавал дээд боловсрол эзэмшсэн байх шаардлагатай.

Дэлхий нийт боловсролын системдээ шинэчлэл хийж, ажил олгогчид дипломны голууд бус чадварлаг, хүмүүнлэг, шинэлэг сэтгэлгээтэй бие хүнийг онцлох болсон. Харин манай нийгмийн тогтолцоонд дипломыг боловсрол, мэргэжлийн гол шалгуур хэвээр байлгаж буй нь хуурамч дипломын наймаа цэцэглэх үндэс болсон байж магадгүй. Үүгээр ч зогсохгүй өдгөө төрийн өндөр албан тушаал хашиж буй эрхмүүдийн хуурамч дипломны хардлага сэрдлэг газар аваад байна. Үүнд Ерөнхий сайд Л. Оюун-Эрдэнийн тухай үнэн худал үл мэдэгдэх дуулианууд ч гарч байна. Учир нь тэдний намтар дээрх дараалсан он цаг, давхацал үүссэн хугацаа зарим иргэдэд эргэлзээ төрүүлсэн байж магадгүй.

Ямартаа ч хуурамч дипломтай байж болзошгүй тухай зарим иргэд сошиал орчинд ярьсан бол Засгийн газрын Хэрэг эрхлэх газрын дарга Д.Амарбаясгалан, Ерөнхий сайд бид хоёрын диплом хуурамч биш... хэмээн мэдэгдээд амжлаа. Үүнээс гадна баримттай зүйл ч байна. Нийслэлийн Нийтийн тээврийн газрын томоохон албан тушаалтныг хуурамч дипломтай гэх мэдээлэл гарч эхэллээ.

Тоймч: Б.Дорж