Apple компанийн iPhone танилцуулах арга хэмжээ өчигдөр буюу 2022.09.07- нд Калифорниад iPhone 14 ухаалаг гар утасны загвар, Apple Watch ухаалаг бугуйн цагны гурван загвар, хоёрдугаар үеийн AirPods Pro чихэвчээ шинээр танилцуулснаар шуугиан тарилаа. iOS 16 шинэ үйлдлийн системээ есдүгээр сарын 12-ноос эхлэн зах зээлд нэвтрүүлнэ гэдгээ мэдэгдэв.

Apple компанийн Гүйцэтгэх захирал Тим Күүк танилцуулгын үеэр Apple Watch Series 8 нь шинэ шинэ үзүүлэлттнй болсныг онцлов. Жишээ нь, цаг агаар мэдрэгч систем, эмэгтэйчүүдийн өндгөн эс боловсрох овуляцийн үеийг мэдрэх системтэй болжээ. Ингэснээр эмэгтэйчүүдийн сарын тэмдгийн мөчлөг, овуляцийн мэдээллээ бүсгүйчүүд цагнаасаа авдаг болох нь. Бид эмэгтэйчүүдийн эрүүл мэндийн төлөө чадах бүхнээ хийж буй хэмээн тус компанийн инженер Jeff Williams танилцуулгын үеэр хэллээ.