Хөөрхий Дарханы зам эрх баригчдыг хүчгүйдлийн зам, сэтгэлгүйн үр юм. Монгол улсын Зам тээврийн хөгжлийн яамны Авто замын бодлогын хэрэгжилтийг зохицуулах газрын даргын үүргийг түр орлон гүйцэтгэгч байсан нэг нөхөр авилгын хэрэгт хүртэл нэр заагдаад авсан Дарханы замын гачлаант өдрүүд үргэлжилсээр...

Дарханы замыг бариулахаар, 2019 онд Азийн хөгжлийн банкны хөнгөлөлттэй зээл, Улаанбаатар Дархан чиглэлийн замыг шинэчлэх 83.4 сая ам.долларын хөрөнгө оруулалт Европын Сэргээн Босголтын банк 120 сая долларын асар их мөнгөний цаана ямар явцуу эрх ашиг нуугдаж, хэдэн хэрчилт, хэчнээн цавчилт явагдсан бол? Таашгүй.

Хамгийн гол шүүмжлэлтэй асуудал 2018 онд эхлэж 2020 онд дуусах төлөвлөгөөтэй байсан. Гэтэл 2022 онтой ажлын ахицгүйгээр золголоо. 204-хөн км авто замын засвар, сайжруулттай харьцуулах аргагүй төмөр замын бүтээн байгуулалт хоёрхон жилийн дотор хуйхлагдаад дуусч монголчууд сэтгэлдээ гийлгэх нэг ч атугай нарны туяа шиг найдварын очтой болоод байхад Дарханы зам 2024 ондоо амжиж дуусахгүй бол эрх баригч нам ч дээшээ тэнгэр хол доошоо газар хатуу болох нь.

Энэ замтай холбоотой маш олон хүний ажил амьдрал, амь нас, эрүүл мэнд хохирсон асуудлыг нэн тэргүүнд ярих ёстой. 2020 оны 9-р сарын 1-ний байдлаар нийт бүртгэгдсэн осол 117, гэмт хэрэг 32, нас барсан 11, гэмтсэн хүн 33 гэсэн мэдээлэл байна. Эдгээр иргэдийн хохирлыг барагдуулдаг газрууд нь барагдуулах ёстой. Гүйцэтгэгч нарын гэрээнд энэ талаар тусгах хэрэгтэй.

Энэ зам салбарт нь ажиллаж үйлийн үрээ эдэлсэн Халтар сайдын ч биш эрх баригчдын хур будилааны үр төлөөсний нэг хэсэг ч юм билүү. Ганцхан зам хэл амгүй барьчих л даа МАН-ынхан. Хүний хийсэн ажил дээр найрлаж цэнгэх биш өөрсдөө хийх нь чухал гэдгийг хэлэхэд бас илүүдэхгүй биз.