3000 гаруй уул уурхайн тусгай зөвшөөрөл түүнийг дагасан шуналын цумралдаан монгол улсыг улам дордуулжээ.

Энэ хорвоод хязгааргүй ихийг багтаагч нь хүний сэтгэл ба мэдлэгээс эд баялгийг илүүд үзсэн сэтгэлгээний гажиг хямрал улс орныг аймшигтай талхилалт руу хөтөлж, сэхэх тэнхэл өгөхгүй удав. Хэрвээ харийн саварт базуулж, үндэсний сэхээтнүүдээ цаазлуулж, толгойгүй хачиг шиг ийш тийш дэмий арвалзсан хачин нийгмийг санаатай санаандгүй хөтөлж чирээгүй бол... Гэхдээ хэн юу яаж хэзээ хэрхэн өлгөн салган байдал руу монголыг оруулав. Хариултыг цээжээр түгдрэлгүй хэлэх хүн ч цөөнгүй. Хувийн баяжих хүслийг нийтийнхээс дээгүүр тавьж чадсан айлын хэдэн эрх жаалууд. Тэд өдгөө цэл залуу байхаа больж. Гэхдээ л эрх ямбаны төлөө тас зууралдаж, тавьж өгөхгүй чангаан хар дарсан зүүд шиг амьдралаа аз жаргал, ааг бяр, чадал чансаа хэмээн эндүүрэх нь өрөвдөлтэй.

Ард түмний үрстэй нэгэн тэнгэр дор мэндэлж, цул газар дээр цугаар аж төрцгөөх өнө холын ирээдүйд өлөн улс төрчдийн балгийг арилгах төлөөсийг үр хүүхдээс нь гаргуулах нэхэл хатуутай шинэ цаг ирж ч мэдэх юм.

Оюун санааны тугчаа орцонд арван хэд хутгалж хөнөөгөөд орон зай, нэр төрөөр нь өчнөөн жил гол зогооцгоох монголын улс төрчид дэндүү муухай. Шүтүүлэх шүлэнгэтсэн омтгойрол, шүлсний ч үнэгүйг ойлгоцгоох тэдэнд хэцүү биш л болов уу. Мянга мянган жилийн буурал түүхт хөх монголыг газрын хөрснөөс арчиж, ганган байгаль баян хөрстөд нь эзэн суух харийн хүслийг гараар үйлдэж, гайхах эргэлзээгүй таслан өгөх үйлтнүүд хэр олон жирийн монголчуудын хөлс нулимсанд цадах вэ?