Төрийн банк хувьцааны захиалгын тоогоо нэмнэ

Aдмин / Эдийн засаг

Банкны тухай хуулийн шинэчилсэн найруулгын дагуу системийн нөлөө бүхий банкууд нээлттэй хувьцаат компани болох заалттай. Үүний дагуу Төрийн банк системийн нөлөө бүхий банкуудаасаа анхлан нээлттэй хувьцаат компанийн хэлбэрт шилжихээр өнгөрсөн баасан гаригийн 10:00 цагт Хөрөнгийн биржид анхдагч арилжааны нээлтээ хийн "Цан зохих" ёслолын ажиллагаагаа хийсэн. Үнэт цаасны эхний өдрийн захиалга 100 хувиас давж биелэн эрэлт өндөр байгааг харуулсан юм.Тиймээс Төрийн банкнаас Үнэт цаасны танилцуулгын 3.4-д заасны дагуу нийтэд гаргасан хувьцааны 15 хүртэлх хувийг нэмж гаргахаар болсон байна.

Өөрөөр хэлбэл 37,475,000 хувьцаан дээр 5,621,250 ширхэг хувьцаа гаргах бөгөөд хувьцаа авч чадаагүй иргэдэд боломж гарч байгаа аж.

Хувьцаа авахаар сонирхож байгаа иргэд энэ сарын 6-ны өдрийг дуустал Төрийн банкны үндсэн андеррайтер болох "Өлзий энд Ко капитал", туслах "Гүүдсек" үнэт цаасны компани болон Төрийн банкны ibank.mn хуудсаар Гялсбанкны эрхээрээ нэвтрэн орж захиалах боломжтой юм байна. Захиалга давж биелэсэн ч хувь тэнцүүлэн хуваарилах ажээ.


Сэтгэгдэл

Зочин [202.9.41.11] 2022-10-03 04:27:46

Төрийн банкны хувьцаа авсан нөхдүүд койны араас орно шүү! Араас нь хувийн банкууд хувьцаагаа гаргана. Зөндөө боломж байна. Наадуул чинь хүмүүс тоож авахгүй гээд багаар гаргасан. Аваад байраар нэмж шунаж байгааг нь хар л даа. Тэгээд ч та нар төртэй хамтарч хамаарах болно гээд нэг бодоод үз!!!

Зочин [64.119.29.136] 2022-10-03 03:14:44

Төр ямар нэг ажлыг хийхдээ заавал дүрэм журам зөрчиж хийх юм. Биржид ямар нэг компани бүртгүүлж нээлттэй компани болохдоо заавал 25%-с доошгүй зарим тохиолдолд 20%-с доошгүй хувьцааг олон нийтэд санал болгодог. Энэ журмыг шууд зөрчөөд байна. Дараагийн үйлдлийг манифуляци гэж харах л байх даа. хэхэ. Андеррайтераар нь ажилласан компаниуд нь ч гэсэн энийгээ мэдэхгүй байж бгаа нь хөөрхий л бна.


2 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
2 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.