АХБ-ны Зүүн Азийн газрын Дэд бүтцийн хэлтсийн дарга Сужата Гупта болон АХБ-ны Монгол Улс дахь Суурин төлөөлөгч Павит Рамачандран нар 10-р сарын 6-ны өдөр Эрчим хүчний сайд Б.Чойжилсүрэнтэй уулзаж, эрчим хүчний салбар дахь хамтын ажиллагаа болон холбогдох төслүүдийн талаар хэлэлцэв. Сайд Б.Чойжилсүрэн эрчим хүчний салбар дахь АХБ-ны хамтын ажиллагаанд талархал илэрхийлж, цаашид авч хэрэгжүүлэх арга хэмжээний талаар санал солилцлоо.

Хатагтай Сужата Гупта газрын гүнээс дулаан үйлдвэрлэх болон уур амьсгалын өөрчлөлтөд зориулсан зээл гаргах чиглэлд хамтран ажиллах боломжтойг мэдэгдэв. Суурин төлөөлөгч Павит Рамачандран Яамны зүгээс шийдвэртэй алхмуудыг хийж байгааг сайшаан, цаашид холбогдох зарим арга хэмжээг хамтран хэрэгжүүлэх боломжтой талаар цохон тэмдэглэлээ.

Уулзалтад АХБ-ны Зүүн Азийн газрын Эрчим хүчний тэргүүлэх мэргэжилтэн Шэннон Коулин, Төсөл хөтөлбөрийн мэргэжилтэн Чандра Мохан болон АХБ-ны Монгол Улс дахь Суурин төлөөлөгчийн газрын Эдийн засагч Эдвард Фабер, Эрчим хүчний мэргэжилтэн Д.Бямбатуяа нар оролцов.