МАН боловсон хүчний нөөцтэй нам гэдэг. Гэтэл боловсон хүчний нөөцийн бодлогынхоо өмнө мөнгө санхүүгийн бодлогоо урьд тавиад байна уу. Чадваргүй поп, баячуудаар хүрээгээ тэлсэн сайд нарын танхим Л.Оюун-Эрдэнэ Ерөнхий сайдад нэмэр биш нэрмээс болоод байна. Ганцхан жишээ хэлэхэд, 2023 оны төсвийн төсөл хэлэлцэж байгаа энэ үед Монгол Улсын төсөв үү, МАН-ын төсөв үү гэдэгт эрүүлээр харж зөвлөгөө өгөх сайд Засгийн газрын танхимд байна уу. Үндсэн хуулиа хүртэл барьж авч тонгорч унагаад “хүчиндэж” хийсэн засгийн газрын бүтцийн шинэчлэл үр дүнгээ өгөх найдлага тасарлаа. Ганц өөдтэй өнгөтэй томилгоо нь МАН-ын ерөнхий нарийн бичгийн дарга Д.Амарбаясгаланг ЗГХЭГ-ийн даргаар томилсон томилгоо болж үлдэв.

Д.Амарбаясгалан ажлаа мэдэж байгаа, эрх мэдлээ ч авсан байгаа харагдана. Гэтэл бусад сайд нар чинь Засгийн газрын кабинетаа муухай харагдуулсаар байна. Давхар дээл дан дээл ялгаагүй, Л.Оюун-Эрдэнээ танхимын сайд нар чинь ийм байхад төрд үлдээх түүх чинь гэрэлгүй байх болно. Чадамжгүй сайд нарын үг үйлдэл хэдийнээ ард нийтэд танигдсан.

Ард түмэн алгаа ташаад угтаад үдэх нэг ч сайд харагдахгүй байна. Баян тансагараа алга ташилт авдаг цаг өнгөрсөн. Учир нь ард түмэн чинь үгээгүй ядуу болж байна. УИХ-ын гишүүний албанд давхар зүтгэдэг муу нэртэй луу данстай давхар дээлтнүүд бүү хэл дан дээлтэй сайд нарын ажил ч сортойх сайжирсан зүйлгүй удлаа.

Соёлын сайд Ч.Номин алтан зүүлт үсэндээ зүүж, ганган хувцсаар л танигдаж байна. Араас нь Зам тээврийн хөгжлийн дэд сайд Л.Халтар үргэлжийн хэл ам дагуулдаг Дарханы замаасаа эхлээд өргөж, өндийлгөж, өөд татсан нэг ч ажил хийсэнгүй. Зам хариуцсан сайдуудын ажил мэлхийн хурдаар явж байгааг хэн бүхэн мэднэ. Түүгээр зогсохгүй, Зам тээврийн хөгжлийн яамны дэд сайд байсан боловч ХХААХҮЯ-ны дэд сайд Ж.Бат-Эрдэнэ зам хариуцсан яаманд байсан уу байсан. Одоо тендерийн хэргээр хоригдоод байгаа. За, тэгээд Барилга хот, байгуулалтын сайд Б.Мөнхбаатарын баригдаж дуусдаггүй барилгын ажил, Эрүүл мэндийн сайд С.Энхболд гэхэд эмнэлгийн даргын халаа солио гэсээр ард түмэндээ онцгойлон таашагдсан зүйлгүйгээр ажлаа хийж явна. Уг нь бол өмнөх сайд сайд Т.Мөнхсайхан нь арай дөнгүүр байсан юм шүү.

Энэ мэтчилэн салбар бүр хариуцсан сайд хийтэй байна. Д.Сарангэрэл сайд л хэлсэн болохоос үнэн юм шүү. Магадгүй бөх хүн бүдүүн өвсөнд гэж санамсаргүй үгнээс болж унасан Д.Сарангэрэл МАН-ынхаа аминд орж, тэдэнд дохио өглөө. Ул гэж хэлэх хэмжээний хүн Д.Сарангэрэл биш. Энэ үг эгзэг таардаг шиг л МАН-ын халамжийн бодлого хавтгайрсаныг илтгэх дохио байсан юм.

Сүүлийн үед салбар салбарын бугшсан ноцтой муу муухай баримтууд, авилгалын хэрэг, ёс зүйн бүдүүлэг алдаа завхралууд эдгээр салбарыг удирдлага бүтэц зохион байгуулалт ажлын уялдаа холбоогүй дэндүү хайхрамжгүй болж байгааг нотлох боллоо. Зам тээврийн ноцтой асуудлууд түгжрэл, уул уурхайтай холбоотой дуулиан эрүүл мэндийн салбарынхан хурцадмал асуудлууд улам ч хүчээ авч байна. Дан дээлтэй хүнд сурталтай сайд, давхар дээлтэй бүдүүн сайд нар намаа биш өөрийгөө биш УЛС ОРНОО бодох цаг болсон биш үү...