Улсын төсвийн хөрөнгө оруулалтыг албан контор, соёлын төв, спортын ордон, музей, угтах хаалга, Ланд 200... -д зарцуулж байгаа цагт Монгол Улс хөгжихгүй ээ. Хөрөнгө оруулалт гэдэг үгнийхээ утга учрыг бид улсаараа ойлгохгүй төөрөлдсөөр явж байна. Тодорхой мөнгө зарцуулаад тэр нь буцаагаад хэдэн жилийн дараа өгөөжөө өгдөг зүйлийг хөрөнгө оруулалт гэдэг юм.

Улсын төсвийн (цаад утгаараа татвар төлөгчдийн мөнгө) хөрөнгө оруулалтаар зөвхөн дотоодын үйлдвэрлэлийг дэмжих, нэмэгдүүлэх, хөгжүүлэх төслүүдийг санхүүжүүлэх ёстой юм.

Ингэж байж ажлын байр нэмэгдэнэ, ядуурал буурна, төсвийн алдагдал буурна. Нэг суманд Соёлын төв барьлаа гээд тэр төвийн барилгын тендерийг авсан компанийн захирлын л амьдрал дээшилнэ хэмээн Эдийн засагч Д.Ангар 2023 оны төсөв тойрсон асуудлаар байр сууриа илэрхийлжээ. Мөн тэрээр иргэд он гараад ипотекийн зээлээ төлж эхэлнэ. Байдал улам хүндрэх энэ нөхцөл рүү Монголбанк хөтөлсөн гэдгийг эдийн засагч Д.Ангар онцоллоо.