Улаанбаатар /МОНЦАМЭ/. Монголбанкнаас зарласан төгрөгийн ам.доллартой харьцах сарын дундаж ханш энэ оны 9 дүгээр сард 3257.10 төгрөг болж, өмнөх оны мөн үеийнхээс 408.16, өмнөх сарынхаас 71.38 төгрөгөөр суларлаа.

Төгрөгийн юаньтай харьцах сарын дундаж ханш энэ оны 9 дүгээр сард 463.90 төгрөг болж, өмнөх оны мөн үеийнхээс 22.70 төгрөгөөр суларч, өмнөх сарынхаас 4.47 төгрөгөөр чангарсан байна.

Монголбанкнаас зарласан төгрөгийн рубльтэй харьцах сарын дундаж ханш мөн сард 54.48 төгрөг болж, өмнөх оны мөн үеийнхээс 15.40 төгрөгөөр, өмнөх сарынхаас 1.87 төгрөгөөр суларсныг Үндэсний статистикийн хороо мэдээлэв.

montsame.mn