Үнийн хөөрөгдлийн гол шалтгаан нь төгрөгийн ханшийн сулрал бөгөөд энэ талаар эдийн засагчийн тайлбарт Монголбанкны Нөөцийн удирдлага, санхүүгийн зах зээлийн газрын захирал А.Энхжин: ...Урт хугацаанд төгрөгийн гадаад валюттай харьцах ханш сулраад буйг энгийнээр тайлбарлавал Монголчууд бидний гадаад валютаар олж байгаа орлого, гадаад валютын зарлагаасаа өндөр байгаа нь ийнхүү төгрөгийн ханш сулрах үндсэн шалтгаан болж байна. Өнгөрсөн хугацаанд үүссэн орлого, зарлагын зөрүүгээ бид гадаад зах зээлээс зээлэх замаар санхүүжүүлсэн байдаг. Үүнээс шалтгаалан Монгол Улсын гадаад өр 30 гаруй тэрбум ам.долларт хүрээд байна.

Иймд Монгол Улсад үйлдвэрлэсэн бараа бүтээгдэхүүний экспортыг нэмэгдүүлэх, төрөлжүүлэх, аялал жуулчлал, мэдээлэл технологи гэх мэт үйлчилгээг гаднын зах зээлд худалдан гадаад валютын орлогын эх үүсвэрээ нэмэгдүүлж байж бид энэ асуудлыг бүрэн шийдвэрлэх боломжтой. Харин төгрөгийн ханшийн хэт сулрал нь иргэдийн амьдралд цалин хөлсний чанарын үзүүлэлт унах үзэгдлээр илэрдэг байна. ҮСХ-ноос сарын дундаж цалин 1,5 сая төгрөг гэсэн бол энэ нь инфляцийн нөлөө, төгрөгийн ханшийн 80 шахам хувийн сулралаас үүдэн өмнөх хоёр жилийн 300 орчим мянган төгрөгтэй тэнцэх юм.