Залуу боксчин Т.Номин-Эрдэнэ өнөөдөр тивийн аваргын төлөө тулалдана

Aдмин / Спорт

Йорданы Амман хотноо Ази тивийн 2022 оны аварга шалгаруулах тэмцээн 9 дэх өдрөө үргэлжилж, эрэгтэйчүүдийн хагас шигшээ тулаанд Монголын 5 тамирчин хүч үзэж, 4 нь медалийн өнгөө хувиргаж чадсангүй. Харин энэ өдрийн 60 кг жинд ОУХМ Б.Буяндалай, Узбекистаны хүчтэй боксчныг 4:1-ээр ялж тивийн аваргын алтан медалийн төлөө тулалдахаар шалгарлаа. Тэрбээр Ази тивийн 2022 оны аваргын төлөө Йорданы тамирчин Мухамед Абу Жажентай тулалдах юм.

Ийнхүү өнөөдөр залуу тамирчин Т.Номин-Эрдэнэ 60 кг-д БНСУ-ын боксчин Азийн наадам болон тивийн аварга О Ёон Жи-тэй 19 баг 30 минутаас аваргын төлөө тулалдана. Хагас шигшээ тулаанд 51 кг-д ОУХМ Х.Энхмандах, “Рио-2016” олимпын аварга, Узбекистаны Хасанбой Дусматовтой тулалдахдаа эхний раунд 4:1-ээр илүүрхэж ялсан ч сүүлийн 2 үед оноо алдаж 5:0-ээр ялагдлаа. Мөн 57 кг-д залуу тамирчин Г.Лундаа ДАШТ-ий мөнгөн медальт, Узбекистаны Абдумалик Халаковт 5:0-ээр ялагдаж туршлагаа ахиуллаа.

Харин 67 кг-д ОУХМ Б.Чинзориг, Тайландын Бунжон Синсирид 4:1-ээр, 71 кг-д ОУХМ О.Бямба-Эрдэнэ Азийн наадмын мөнгөн медальт Казахстаны Асланбек Шембергеновт 4:1-ээр тус тус ялагдаж, Ази тивийн АШТ-ий хүрэл медальтай тэмцээнээ дуусгаж байна.

Ийнхүү Дэлхийн армиудын болон Ази тивийн аварга ОУХМ Б.Чинзориг, ОУХМ О.Бямба-Эрдэнэ нарын хашир туршлагатай, мастерууд энэ удаа өрсөлдөгч боксчидтойгоо эн тэнцүү ширүүхэн тулалдсан ч ялж чадсангүй. Тивийн АШТ-ий 13 жинд эрэгтэйчүүд өрсөлдсөнөөс алтан медалийн төлөө 8 орны боксчид тунаж үлдсэнээс Казахстаны 9, Узбекистаны 7, Йорданы 4, Тайландын 2, Монгол, Энэтхэг, Япон, Филиппин тус бүр нэг боксчин шалгараад байна.


Сэтгэгдэл

зочин [66.181.189.118] 2022-11-11 03:21:27

Ядаж фейспүүкед тоглолтоо тавихгүй юм аа.


1 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.