Түрүүчийн цаснаар л хөл гар жиндүүлж ирсэн өвлийн жавар ирэх саруудад улам чангарах нь мэдээж. Гэтэл Улаанбаатар хот утаа түгжрэл, гацаандаа хэвээр л. Гэтэл амьдралын цан мөчийнхөө тал хагасыг замын түгжрэл шал дэмий замын голд өнгөрөөнө гэдэг нийгмийг бухимдалд автуулж, яран дээр шарх болж байна.

Нийслэлчүүдийн өмнө тулгамдаж буй асуудлын нэгдүгээрт автозамын түгжрэл бичигддэг. Улаанбаатар хотын иргэдийн 85% нь түгжрэл дээд түвшиндээ хүрсэн, 68% нь түгжрэл нь амьдралд маш их сөрөг нөлөөтэй, стрессийн гол шалтгаан болсон гэж дүгнэсэн судалгааг албаныхан танилцууллаа. Ингэхдээ иргэдийн 76 хувь нь түгжрэлийн асуудалд зоригтой арга хэмжээ авах цаг болсонтой санал нэгджээ.

Засгийн газар ч дорвитой хөдлөхөөр түгжрэлийг бууруулах яам гэгчийг байгуулсан ч өнөөх нь усанд хаясан чулуу шиг цөхөрсөн хоёр гурван мэдэгдэл хийхээс хэтэрсэнгүй. Сайн менежмэнт оновчтой хэрэгжиж цагаа олж, тогтмолжиж чадвал ямар ч саад бэрхшээлийг давж гэтлэх дорж хаяж муу үр дагавар багасах онолын ойлголтууд ч бий. Гэтэл зохицуулалт, шийдэл, үр дүн гэхээс илүү чимээгүй дасгах, залхуу хойрго байсаар.

Түгжрэлээс болж гэр бүл, ажил мэргэжил бүтээмж, аз жаргалд зарцуулах цаг мөч, боломжоо хэчнээнээр нь алдаж байгааг тооцоолж боломгүй ч газрын наймаа цэцэглүүлж, буруу төлөвлөлт хийж хот биш хогийн цэг болгох шахсан үе үе хотын удирдлагуудаас ч юм уу, доройтол руу чирсэн эрх баригч намын 30 шахам жилийн засаглалаас ч юм уу? түгжрэл шийддэг яам, хот удирддаг дарга хоёрыг давхардуулсан хэр нь амар амгалан амьдрах нийт ард түмний эрх ашиг боломжийг хулгайлсан бүх улс төрчдөөс ч юм уу? ямар ч атугай Монголчууд түгжрэлд алдсан алтан цаг хором мөчүүдээ төрөөс нэхэмжлэх эрхтэй

Энэ бол 2021 оны судалгаа. Инфляц өдөр бүр шахуу өсч байгаа учраас нэг жилийн өмнөх энэ тоог дахин нэмэгдүүлж буцаагаад түгжрэлийн яамнаас, түйтгэр эргэсэн Засгийн Газар, УИХ-аас нэхэмжлэх цаг болжээ.

Хотын нэг захаас нөгөө зах хүртэл ойролцоогоор 4-5 цаг явж хүрч байгаа нь дэндүү харамсалтай. Сарын 300 доллар ч хүрэхгүй цалингийн төлөө түгжрэл бухимдалд автан байж махарч байгаа ард түмнээ нэг ч удаа хайрлах сэтгэл МАН-д бий юу. Хаа байсан 24 оны сонгууль угтаж энд тэнд хурган уулзалт зөвөлгөөн гэгчийг зохиож, бага сага мөнгө тарааж явахаар нэн түрүүнд түгжрэлээ шийдэх асуудалд анхаарч, эдийн засаг ядуурал эргэж сэргэхгүй болох аюулаас сэргэмжилмээр байна.