Их эзэн Чингис хааны мэндэлсний 860 жилийн ой, өвлийн тэргүүн сарын шинийн нэгэн арваннэгдүгээр сарын 24-нд тохиож байна. Энэ өдрийг тохиолдуулан УИХ-ын хүндэтгэлийн чуулган хуралдана. "Чингис хаан" одонг маргааш 10 цагт гардуулах бол УИХ-ын хүндэтгэлийн чуулган 12.00 цагаас эхэлнэ. Мөн ойн хүрээнд Төрийн хүндэтгэлийн концерт зохион байгуулах юм. Энэ жил Эзэн Чингис хааны мэндэлсний тэгш ой тохиож байгаа учраас Монгол бахархлын өдрийг тэмдэглэх долоо хоногийн хөтөлбөр гаргаж байгаа талаар Ерөнхийлөгчийн тамгын газраас мэдээлж байсан. Энэ хүрээнд Монгол бахархлын өдөрт зориулсан арга хэмжээнүүдийг арваннэгдүгээр сарын 21-ээс эхлүүлээд үе шаттай зохион байгуулж буй.