Ядаж тав хоногийн настай шийдвэр гаргаж байгаасай! 36 цаг цас орно гэсэн сургаар сургууль цэцэрлэгүүд нэг өдөр цахимжсан уу гэсэн эргэлзээтэй мэдээлэл гарч эхлэв. Түгжрэлийг шийдэх гэж яам байгуулсан нь эрх баригч нам замын бөглөрөл, ачааллын асуудал нь эцэстээ нийслэлээс хэтэрч засгийн газрын түвшинд яригдаж шийдэгдэх төдийгүй үүнийг шийдвэрлэхэд ихээхэн хүч нөөц хаяж сонгуулийн өмнө нэр нуур олж авах, унаад буй намынхаа нэр төрийг сэргээх гэсэн оролдлого гэж харагдаж буй. Гэхдээ түгжрэл эрхэлсэн Ж.Сүхбаатар сайд асуудал шийдвэрлэхдээ тун тааруу менежер, улс төрийн мэдрэмжээр ч дулимаг гэдгээ хэдэн удаагийн үйлдлээр харуулаад авлаа. Нэг сайд нь бүдрэхэд долоо бүдэрч арай ядан өндийдөг өнөөгийг засгийн газар болохгүй бол ажлыг нь өгүүлдэг жишиг тогтоох аядаад байна.

Ж.Сүхбаатар сайдын хувьд түгжрэлийн хур асуудлыг далимдуулан надаар улс төржиж миний нэр хүндийг албаар гутаах гэлээ гэж хэлээд бүр зүүдээ ярих гээд хулгайгаа ярьлаа гэдэг шиг болж орхих нь тэр. Өнгөрдөг долоо хоногийн сүүлээр их хэмжээгээр орсон цас Улаанбаатар хотыг тэг зогсоход хүргэж олон түмний бүхимдал нийгмийн сүлжээнд нэг хэсэгтээ намжихгүй, салбар хариуцсан дарга нарын суудал дороосоо халуу шатаж байв.

Намынх нь удирдлагуудаас түгжрэлийг нэг мөр болгох шийдэл оруулж ирэхгүй бол өөрөө огцор гэсэн үү юутай ч Ж. Сүхбаатар сайд “... эрс хүйтрэх нь ээ сургууль цэцэрлэгийг цахимаар хичээллүүлье” гэх санал гаргасан ч боловсролын сайдаас эхлээд иргэд хүртэл яг одоогийн нөхцөлд боловсролын хоцрогдол нэг ч өдрөөр хойшилж болохгүй...Тэнгэр хүйтэрч л байдаг шүү дээ. Харин цахимаар ажиллаж амьдарсан өнгөрсөн хоёр жилд асар их хохирол салбар бүрт бий болсон. Нэг яамны сайдын нэр төрийг өөр нэг салбар золиослон тэр тусам ирээдүйнхээ боловсролыг хоцрогдуулж хамгаалдаг байж болохгүй... гэж байв. Үнэхээр ч түгжрэл бол халдварт цар тахал хараахан биш.

Чадвартай менежерүүд деталчлаад ажиллаж чадвал бууруулж болохгүй асуудал биш ээ. Эрх баригчид ч хоорондоо эв зүйгээрээ нэг бодлогоор ажиллахгүй бол хэт улс төржилтөөр дагнаж ард иргэдээ тэр хэмжээгээр хохироодог бүдүүлэг байдал удаан үргэлжилж боломгүй. Түгжрэл мөнхийн сэдэв буюу бид юу алддаг вэ? Замын түгжрээнд бид цаг хугацааг л алддаг гэж эндүүрдэг ба задраад асар их боломж, хөрөнгө, чухал үнэт зүйлсээ алдаж байна. Хамгийн наад зах нь түгжрэлээс үүдэн ажлын цагийн бүтээмж алдагдаж богиносох тохиолдол байсаар.

Нийслэл Улаанбаатар хотын цагийн менежмэнт түгжрэлийн шалтагаар янз янз. Зарим байгууллага захын байршил, ажлын ачаалал зэрэгээс үүдэн ажлын цагаа наана цаана оруулах байдлаар зохицуулалт хийлээ ч бүтээмжид эерэг нөлөө үзүүлж чадахгүй байна. Гэр бүлийн халуун дулаан харилцаа ч түгжрэлээс үүдэн үгүйрч иргэд замын голд хий дэмий машин дотор ихэнх нь автобусанд чихдэлцэн шар нар бор хоногийг барсаар байна. 2021 оны 11 сарын судалгаагаар иргэдийн 85% нь түгжрэл дээд түвшиндээ хүрсэн, 68% нь түгжрэл нь амьдралд маш их сөрөг нөлөөтэй, стрессийн гол шалтгаан болсон гэж дүгнэсэн судалгааг албаныхан танилцууллаа. Ингэхдээ иргэдийн 76 хувь нь түгжрэлийн асуудалд зоригтой арга хэмжээ авах цаг болсонтой санал нэгджээ. Харин 2022 оны 2-р сарын судалгаагаар Хүйтний улиралд тав тухтай байх автобусны буудлыг барьвал иргэдийн 74% нь нийтийн тээврээр зорчих байдал нь нэмэгдэнэ гэсэн бол 72% нь метро, хөнгөн төмөр замын тээвэр буюу их багтаамжит нийтийн тээврийн шинж төрлийг нэвтрүүлвэл нийтийн тээврээр хөдөлгөөнд оролцох байдал нь нэмэгдэнэ гэж үнэлсэн байна.