Улаанбаатар хотын иргэд хувийн машингүй болон дугаар нь гардаггүй өдөр таарсан иргэд, хүүхдүүд, оюутан залуус, ахмадууд голдуу гол хөл дүүжилдэг нийтийн тээврийн асуудал хурцадлаа. Өвлийн тэсгим хүйтэнтэй зэрэгцэн асуудлууд ар араасаа хөврөх ч автобусны шинэчлэлийг хөндөхгүй бол дэндүү бохир, аюултай нөхцөл байдал газар аваад байна.
1. Замын асуудал. Хэдий үүрийн таван жингээр хүрзээ барин цэвэрлэх нийтийн үйлчилгээний ажилтнууд долоо хоногтоо шинээр нэмж орон дагтаршиж байгаа замын цасыг хүчрэх аргагүй ч үүнээс үүдэн зам халтиргаатай аюултай өвөлжиж байна. Нийслэлийн хот тохижилтынхон давс цацаад ч нэмэргүй байгаа гэх ч өөр ямар нэг дорвитой арга хэмжээ авч чадахгүй удсан нь харамсалтай. Автобусны жолооч нар туршлагатай тулдаа буудлаас буудлын хооронд осол бага гарч байх шиг байна. Гэвч дугүй муутай техникийн бүрэн бүтэн байдал дутуу тээврийн хэрэгсэл мэр сэр ажиглагдсаар
2. Халаалтгүй, бохир автобус. Нийтийн тээврийн шинэчлэлийн асуудал яригдсаар удах тусам хөлдүү махны хөргөгч шиг нар сар гэрэлтсэн, салхи нэвт үлээсэн автобус олширсоор. Иргэд өвлийн жаварт чичирсээр арай гэж унаанд суунгуут өнөөх нь мөн л гадаа байгаагаас ялгаагүй хүйтэн төмөр хайрцаг болохоор эрүүл мэндээрээ хохирч наад зах нь доороосоо жиндсээр бөөр нурууны өвчтэй болцгоож байна. Мөн үүнээс шалтгаалан халаалтгүй тээврийн хэрэгсэл дотроосоо цантаж олон хүний амьсгаагаар халдварт өвчин тархах гол нөхцөл бүрддэг аж
3. Хүрэлцээ. Нийтийн тээврийн хамгийн тулгамдсан асуудал яах ч аргагүй хүрэлцээгүй байдал. Өглөө оройд автобус хүлээсэн иргэд цөхрөнгөө баран зам хараачлан зогсох дүр зураг өвөлжин байсаар. Автобус ийм эрсдэлтэй, тухгүй, хүрэлцээгүй байхаар хувийн машинаар зорчих иргэдийн тоо олширч түгжрэл буурахгүй байх нэг эх үүсвэр болно. Нийтийн тээврийг хүрэлцээтэй, аюулгүй, тав тухтай болгочих л юм бол олон асуудал цогцоороо шийдэгдэх юм бол иргэд цаг зав эрүүл мэндээрээ хохирохгүй, нэг ч гэсэн асуудал шийдэгдэх нь