Улаанбаатар хотын хэмжээнд сүүлийн гурван жилийн хугацаанд "Тоёото Приус" маркын автомашины нүүрсэн яндан алдагдсан нийт 234 гэмт хэрэг бүртгэгджээ.

Өнөөдрийн байдлаар хотын хэмжээнд "Тоёота-Приус" маркийн 133235 тээврийн хэрэгсэл хөдөлгөөнд оролцож байгаагаас

"Тоёота-Приус-20" маркийн тээврийн хэрэгсэл 67456 буюу 51 хувь,

"Тоёота-Приус-30" маркийн тээврийн хэрэгсэл 50631 буюу 38 хувь,

"Тоёота-Приус-40"маркийн тээврийн хэрэгсэл 15148 буюу 11 хувийг эзэлж байна.

Энэ оны нэгдүгээр сарын мэдээллээр нүүрсэн яндангаа алдсан 21 гэмт хэрэг бүртгэгдсэнээс 17-г нь олж тогтоожээ.

Иймд цагдаагийн байгууллагаас "Тээврийн хэрэгслийнхээ нүүрсэн янданг бусдад зарж борлуулахгүй байх, машинаа хяналтын камертай бүс болон харуул хамгаалалтай орчинд байрлуулж, урьдчилан сэргийлэх шаардлагатай"-г иргэдэд зөвлөлөө.