Мөнгөн зээлийн үйл ажиллагааг зохицуулах тухай хууль гуравдугаар сарын 1-нээс хэрэгжиж эхэлнэ. Танилын хүрээнд бус бизнесийн зарчмаар өдрөөр хүү тооцон зээл олгодог иргэд бий.

Эдгээр иргэд өнөөг хүртэл ямар нэгэн бүртгэлгүйгээр үйл ажиллагаа явуулж ирсэн. Энэ хуулиар зээл олгодог иргэд, ломбардууд тусгай зөвшөөрөл авахгүйгээр бүртгүүлээд л үйл ажиллагаагаа явуулах эрх нь нээгдэж байна гэж Хууль зүй, дотоод хэргийн яамны Төрийн нарийн бичгийн дарга П.Сайнзориг хэллээ.