Улаанбаатар цахилгаан түгээх сүлжээ төрийн өмчит хувьцаат компани нийслэлийн 8 дүүрэг, Төв аймгийн 16 сумын 420 мянган хэрэглэгч буюу Монгол Улсын нийт хүн амын 50 орчим хувийг цахилгаан эрчим хүчээр хангадаг.

Ямар ч байгууллага, төрийн өмчит компанид мөрдөгдөх хууль, дүрэм, журам үйлчилж хэрэглэгчдийн эрх ашгийг хохироохгүй ажиллах үүрэг хүлээдэг нь ойлгомжтой. Гэвч энэ салбарт алдагдал, хоцрогдол гэхээс илүү наад захын зохион байгуулалт, менежмэнтийн чадвар нэн дутмаг байгаа нь хэрэглэгчдийн гаргаж буй гомдлуудаас илт харагдсаар.

Аливаа байгууллагын үйл ажиллагааны цар хүрээ хэр том байхаас хамааран хариуцлага нь мөн тэр хэмжээнд яригдах ёстой. Гэвч хэрэглэгчдээс цахилгааны төлбөрөө төлүүлэх тал дээр дэндүү болхт хандсаар иржээ. Хэд гурван хүн тогны мөнгөө хугацаанд нь төлөөгүйгээс байраар нь давхараар нь хороолол гудамжаар нь тог тасалдаг арга барилаасаа салаагүй болохоор шүүмжлэгдээс өөр аргагүй.

Учир нь тогны мөнгөө хугацаанд төлөөгүй хүмүүсээс болж цахилгаанаа гэнэт таслуулсан иргэд холбогдох утасны дугаарт хандахад өөдөөс нь хүйтэн цэвдэг хандлага угтах нь дэндүү цэвдэг. Айл болгоны ард амьдрал үргэлжилж байдаг гэдгийг ойлгох сэтгэл дутаж байх шиг.

Тог хэдхэн цагаар таслагдахад өрх гэр дэх нялх хүүхэд, өндөр настан, асрамжинд байдаг хүмүүс хоол цайгаа хийж чадахгүй, илүү цагаар гэртээ ажилладаг хүмүүсийн ажил тасалдах зэрэг хүндрэлүүд наад зах нь үүсдэг. Цахилгаан дамжуулах систем ухаалаг цогц системийг нэвтрүүлэхгүй илт хоцрогдсон нь ийнхүү харагдаж байна.

Тог цахилгааны төлбөрөө хийдэггүй иргэд, оршиун суугчид хэрвээ төрийн өмчит компанийг алданг тооцоход хүргэж байгаа бол эрсдлийг урьдчилан тооцох, үүсэх хохиролыг анхаарах хэрэгтэй. Төлбөрөө хугацаанд нь төлсөн иргэн хариуцлага муутай хэдхэн хүмүүсээс болоод гэнэтийн хохирол амсах үед түүнийг цахилаагн түгээх сүлжээ, салбар хариуцсан газрууд уг хохиролыг нөхөн төлөх үү гэдэг нь эргэлзээтэй юм. Хэдий эл асуудал шийдэхэд хялбар, нийтэд хүртээлгүй юм шиг ч менежмэнт нь ийм бүдүүлэг хэвээр байвал асуудал даамжирсаар байх нь ойлгомжтой.