Интернэт хэрэглэгчдийн тоо 2022 оны эцэст 4.2 сая болж, өмнөх оныхоос 50.2 (1.2 хувь) мянган хэрэглэгчээр нэмэгджээ.

Үүнд гэрээт интернэт хэрэглэгчид 15.8 хувиар нэмэгдсэн нь нөлөөлснийг Үндэсний статистикийн хороо мэдээлэв. Нийт шуудан, илгээмжийн хэмжээ 2022 онд 8.8 сая ширхэг болж, өмнөх оныхоос 2.8 (45.7 хувь) сая ширхгээр нэмэгдсэн байна. Үүнд дотоодын шуудан, илгээмж 27 хувиар өссөн нь нөлөөлөв.

Шуудангийн үйлчилгээний салбар 2022 онд 1 591.1 мянган ширхэг бичиг захидал, 677.2 мянган ширхэг боодол, 1 128.1 мянган ширхэг илгээлт, 414.8 мянган ширхэг буухиа, 1 637.6 мянган ширхэг бизнес захидал, 303.4 мянган ширхэг гибрид шуудан, 264.2 мянган ширхэг цахим худалдааны илгээмж, 2 750.5 мянган ширхэг тогтмол хэвлэлийг хэрэглэгчдэд хүргэжээ.