Цар тахлын дараах нөхцөл байдал сайжирч байгаатай холбогдуулж энэ сарын 15-ны өдрөөс эхлэн БНХАУ зорчих хөдөлгөөний журамдаа өөрчлөлт оруулжээ. Тухайлбал, БНХАУ-аас гадаадын улс орнуудад суугаа дипломат төлөөлөгчийн газрууд гадаадын иргэдэд бүх төрлийн виз олгох үйл ажиллагаагаа сэргээсэн байна. Ийнхүү Монгол Улсаас БНХАУ руу шууд нислэгээр зорчиж буй зорчигчид коронавируст халдварын ПСР шинжилгээнд хамрагдах шаардлагыг цуцалсан байна. Улмаар коронавируст халдварын түргэвчилсэн шинжилгээний сөрөг хариугаар тус улсын агаарын боомтоор нэвтрэх боломжтой. Харин хилээр нэвтрэхдээ эрүүл мэндийн мэдүүлэг бөглөх шаардлага үйлчилж байгаа талаар Консулын албанаас мэдээллээ.