Монголд яагаад хөрөнгийн зах зээл хөгжсөнгүй вэ? Олон шалтгаан бий. Үүний нэг нь Монголын компаниуд шинэ, үүсгэн байгуулагч нар нь залуу бсантай холбоотой. Монголын компаниуд 1990-д оны дунд үеэс л байгуулагдсан. Тухайн үедээ үүсгэн байгуулагч нар нь 30 орчим насны л залуучууд бсан. Тэдэнд Хөрөнгийн биржид IPO хийх боломж ч бсангүй, шаардлага ч бсангүй. Харин түүнээс хойш 30 жил өнгөрчээ. Компани нь 25-30 жилийн түүхтэй болсон бол үүсгэн байгуулагч нар нь эхнээсээ 60-65 настай болж эхлэв.

Эрийг нас, уулыг цас гэж байгалийн хуулийг яалтай билээ (парламентийн хуулийг бол манай хэд дураараа өөрчлүүлнэ кк, харин байгалийн хуулийн өмнө хүч мөхөсдөнө). Монголын компаниудын нэг онцлог нь үүсгэн байгуулагч хувь хүнээс 100% хамааралтай, өөрөөр хэлбэл компани нь интитуц болж хөгжиж амжаагүй.

Одоо харин Монголын томоохон компаниуд IPO хийж олон нийтийн компани болохоос өөр сонголт үлдсэнгүй. Гэр бүлийн компани 2-3 үе яваад л дийлэнх нь дампуурдаг гэдэг статистик судалгаа бдаг. Тиймээс компаниа олон нийтийн компани болгож өөрийг нь институци болгож хувь хүнээс хамаарах хамаарлыг бууруулах ёстой. Тэгж байж л компани цаашид олон жил амжилттай үйл ажиллагаа явуулах нөхцөл бүрдэнэ.