Засгийн газрын “Ш” ажиллагаануудын хүрээнд шилэн мэдээллийн хүчээр газрын хууль, тусгай хамгаалалттай газрын тухай хуулиудын холбогдох заалтуудыг зөрсөн байж болзошгүй хүмүүс ил болжээ. Анхаарал татах нэг дүр зураг бол эдгээр хүмүүс цөм нийгмийн сор болсон элитүүд байх хэр нь соёлт ертөнцийн гутамшиг болсон түмнээс давсан дархан эрх эдлэх сонирхол давамгайлсан байх.

Тусгай хамгаалалттай газар иргэн аж ахуй нэгж газар эзэмших, байшин барилга барих хуулиар хориотой ба гагцхүү тусгай гэрээний үндсэн дээр тодорхой шаардлага хангаж, сонгон шалгаруулалтаар шалгарсан этгээдэд газар ашиглуулах хуультай. Өөрөөр хэлвэл зөрчилтэй газрын гэрчилгээтэй буюу тусгай хамгаалалтын газар тусдаа эрх эдэлдэг хүмүүс Монголд цөөнгүйг эл үзэгдэл нотлох шиг.

Газрын эзэд буюу феодал гэх ойлголт нүүдэлчдийн төр улсуудын түүхэнд байгаагүй бөгөөд зөвхөн тариалангийн аж ахуй, суурин иргэншлийн нөлөөгөөр боолчлолын сонгодог хэлбэр бий болсон гэж үздэг боловч эл үзэгдэл соёлт хорин нэгдүгээр зуунд Монголд тусгай хамгаалттай газар нутагт баячууд, эрх мэдэлтнүүд, олны танилууд онцгой эрх ямба эдлэж байгаа нь зүйд хэр нийцэхийг хууль шүүх тогтоох хэдий ч үргэлж бусдаас дээгүүр харж, хаан зантай байхыг хүсэгчдийн төрх улам эвдэрч байгаа нь сүүлийн гуч гаруй жилийн гажуудлын үр нөлөө бодитоор тэсэрч ил болж буй жишээ мөн гэлтэй.

Тусгай хамгаалалттай газар нутгийн тухай хуулиас.

36¹ дүгээр зүйл.Тусгай хамгаалалттай газар нутагт газар ашиглах эрх олгох сонгон

1.Тусгай хамгаалалттай газар нутгийн асуудал эрхэлсэн төрийн захиргааны төв байгууллага газар ашиглах эрх олгох сонгон шалгаруулалтыг өөрийн санаачилгаар явуулах бол тухайн тусгай хамгаалалттай газар нутгийн газар зохион байгуулалтын жилийн төлөвлөгөөнд үндэслэн олон нийтэд нээлттэй явуулна.