Өнгөрсөн долоо хоногт цахим орчинд ард иргэдийн дуу хоолой, байр суурь олны анхаарлыг маш их татлаа. Тодруулбал, УИХ-ын гишүүд Үндсэн хуульд оруулах өөрчлөлтийн талаар тойрог бүрдээ очиж танилцуулсан юм. Тэдний зүгээс урьдчилсан байдлаар гишүүд үндсэн хуульд оруулах өөрчлөлт тэр дундаа 152 гишүүнтэй болох саналыг дэмжиж байна гэж хэлсэн. Харамсалтай нь бодит байдал тэнгэр, газар хоёр шиг ялгаатай байлаа. Ард иргэдийн зүгээс амьдрал өдрөөс өдөрт, жилээс жилд улам бүр дордож байна.

Бараа бүтээгдэхүүн тэр дундаа өргөн хэрэглээний үнэ тэнгэрт хадсан. Гэтэл сарын авч байгаа 500 мянган төгрөг нь хаанаа ч хүрдэггүй болохыг хэлж, МАН сонгуульд гарч ирэхдээ хэлж байсан сайхан, сайхан амлалтуудаа биелүүлээгүй, ард түмний амьдралыг мэдэхгүй дэндүү тэнгэрт байгааг нь санууллаа.

Тэдний зүгээс 2016 оноос хойш өнөөдрийг хүртэл долларын ханш тэнгэрт хадаж, төгрөгийн ханш тэнцвэргүй болсон. Ард иргэдийн гар дээрээ авч байгаа цалин долоо хоногийн хүнсэндээ ч хүрдэггүй тул гадаадад гарч ажиллах л сонголт үлдсэн болохыг хэлж байсан юм.

Учир нь Солонгос улсад хоёр хоногт ажиллаад авах цалинг монгол улсад сар ажиллаж байж олно. Иймд гар дээрээ авч байгаа тэтгэвэр, цалин нь хаанаа ч хүрэхгүй байгаа тул мах идэж чадахгүй, таван цулаар л хооллож байгаа гэдгээ хэлж байсан юм.

Мөн сарын 500 мянган төгрөгөөр амьдраад үзэхийг гишүүдэд санал болгов. Иргэд бухимдал ийнхүү эцсийн цэгтээ хүрсэн болохыг уг уулзалтууд харууллаа. Гэсэн хэдий ч гишүүд амьдрал сайхан болж байгаа удахгүй 152 гишүүнтэй болж бүүр сайхан болно хэмээн уг саналыг баталбал ард иргэд лав чимээгүй байхгүй биз ээ.