Засгийн газрын ээлжит хуралдаанаар нийт 46 асуудал хэлэлцжээ. Ерөнхий сайдын хэвлэлийн төлөөлөгч Ч.Болортуяа шийдвэрүүдийг танилцуулав. Тэрбээр "Ерөнхий сайд өнгөрсөн даваа гарагт Шинжлэх ухааны салбарынхантай уулзсан. Ингээд тэдний тавьсан хүсэлтийн дагуу холбогдох шийдвэрийг гаргасан. Тодруулбал, Шинжлэх ухааны Үндэсний зөвлөлийг Ерөнхий сайд нэг жилийн хугацаанд тэргүүлж ажиллахаар болж байна. Мөн Шинжлэх ухааны байгууллагуудын ажилчдын тавьсан цалингийн нэмэгдэлтэй холбоотой асуудлаар холбогдох сайд нарт үүрэг чиглэл өглөө" гэлээ.