Бүлт үсэрч, цээжээ дэлдэхээс хэтрэхгүй Монголын төр дэх эрх баригч хүчнийхэн хулгай авлигалын хэрэгт хамгийн түрүүнд бөөн бөөнөөр нэр нь холбогддог хэр нь бодит байдалтай газар дээр нь танилцаж иргэдийн санал бодлыг гэр дотроос нь цайг нь ууж, хоолыг нь амталж байгаад чин сэтгэлээсээ сонсдог нэг ч гишүүн алга. Тэд тойрогтоо ханаас ч юм бурхны илгээгдсэн элч шиг тэнгэрийн амьтад залрахдаа өглөгийн эзэд ,өрөвч гэгээн сахиусан тэнгэрүүд шиг дүр үзүүлээд замхардаг хуурамч.

Хэдэн жил хямралын нөлөөгөөр үмх махаа хэмжиж, идэх будаагаа тоолох шахаад байгаа өрхийн амьжиргаа ямар хэмжээнд тулчхаад байгааг төрд залрагчид, улс төрд нөлөөлөгчид хэмээн өөрсдийгөө дөвийлгөх шахаж дэлхийн тэрбумтан шиг аашлах мөртлөө хамгийн их өвчлөл ядуурал тэгш бус байдлыг улам өөхшүүлсэн албан тушаалтнуудад харуулмаар.

Сая хүүхдийн баярын үеэр идэх хоолгүй хүүхэд төчнөөнөөр гуринхалж, мөдхөн л угаартаж өчнөөн ард түмэн алтан амиа алдацгааж байхад ҮАБЗ ямар нэг дорвитой арга хэмжээ авалгүй, хийж байгаа ажил нь сонгуульд л зориулагдахаас бодит байдалтай нийцэх оновчтой, ирээдүйн урхгийг арилгах төлөвлөлттэй байж чадахгүй байна. Хар цай ууж хатсан боорцог жамирангаа хатангиршиж байгаа олныхоо бор амьдралтай танилцаж нүдээр үзэж, гараар барих эрхэм одоогоор төрд алга.