Дэлхийн хэмжээний улс төрчид юун түрүүн эх орондоо хүлээн зөвшөөрөгдөж түүхэн гавъяа байгуулдгийг дэлхийн түүр гэрчилнэ. Жишээ нь Чингис хаан, Напелон зэрэг удирдагчид хэдий цус урсгасан дайн тулаан өрнүүлж бусад улс орнуудыг эрхшээлдээ оруулсан ч тэдний нэр хүнд өдгөө ертөнц даяар цуурайтсаар байна. Учир нь эх орныхоо төлөө юу ч хийхээс буцахгүй, хэрэгтэй үед дайсантайгаа ч дотно нөхөрлөх, хортой бол нөхөрөө ч цаазлах шударга зарчимд хатуу эрчүүд тэд байжээ.

Гэтэл неолибериализм гэх хөрвөмтгий улс төрийн үзэл суртал баруунаас өргөжиж зарим хүмүүст хар тамхи шиг хүчтэй нөлөөлж дэлхийг нэг улс гүрэн болгох туйлшралд автацгаасан тэнэг үйлдлүүдээр хорвоог барах болжээ. Төдийгөөс өдий хүртэл өөр өөрийн онцлогоор хөгжиж, яагаад ч тус тусын өвөрмөц шинжгүйгээр оршихгүй содон дархлаатай улс үндэстнүүд хүн төрөлхтөний хөгжлийг түрхэрч байгааг одоо л түүчээлэгчид ухамсартаа ойлгоцгоожээ.

Ямар ч үзэл баримтлал, суртал ухуулга тодорхой хугацаанд л хүчтэй байгаад явуургүй нь батлагдах уналтын мөчлөг сүүлийн хэдэн арванд улам хурдацтай болсныг хэт туйлшрагчид гялс ойлгохгүй.

Өөрөөр хэлвэл эх орноо золиод өөрөө дэлхийн хэмжээний хүн болох гэж хичээдэг богино зайны, огтор улс төрчдийн тод жишээ нь неолибериалзмын үлдэгдэл Элбэгдорж болон Зеленский нар болов. ОХУ-ын цэргийн ажиллагаа Украйнд эрчимжиж, барууны мэдээний агентлагууд эрх баригчдынхаа захиалгаар мэдээллийн дайнд мордоцгоохдоо хуурамч сенсациар зэвсэглэв. Хавирганыхаа халуун цуст ах дүүсээ хядахаа юман чинээнд тоогоогүй Украйны Ерөнхийлөгч барууныханы улс төрийн жүжгийн гол дүр тоглохдоо Украйнчуулыг золиослон өдөр ирэх тусам өрөвдүүлэгчийн дүрдээ амжилттай тоглож, бодит амьдрал, жүжиглэлт хоёроо ялгахаа больсон байна.

Монголын Ерөнхий сайд, Ерөнхийлөгчөөр улиран сонгогдохдоо сүүлийн 30 гаруй жилийн 20 гаруйд нь төрд ажиллаж, улс төрд нөлөөгөө алдчихгүйг хичээж байгаа Ц.Элбэгдорж Украйн сургуульд сурч байхдаа чухам Монгол Улсын төлөө зориулах ямар эрдэм мэдлэг хуримтлуулсан өдгөө тодорхойгүй байна.

Социализмаас үлдсэн Монголын эдийн засгийн ганц саалийн үнээ Эрдэнэт үйлдвэрийг хувьдаа авахаар улаан цайм худал мэдэгдэл хийж, тухайн үеийн УИХ, Засгийн газрын гишүүдийг нөлөөндөө байлгахаар чармайсан түүний үйлдлүүд өдгөө илчлэгдэх тусам эх орныхоо эсрэг эдийн засгийн хорлон сүйтгэлийг гааруулсан нь тодорхой байна. Харин Элбэгээ барууны болсон болоогүй янз бүрийн хуралд гүйж очин, зурагаа татуулж чамирхаад л Украйны төмрийн хог дээр очиж шогширч попороод л яваа нь чухам л Зеленскийн хуулбар гэлтэй.