Гачуурт компаний эзэн, Соёлын сайд Ч.Номингийн аав Чинбат жип машинаар морьтой хүн хөөж дайрч унагаж байгаа бичлэг цахим орчинд цацагдлаа. Цахим орчин аль хэдийн нийгмийн эрүүлших онгорхой орон зай болсон бөгөөд Дорнод Сүхбаатарын нутгаар дамжиж малын халдварт өвчний голомттой нутгаас Сэлэнгэд адуу оруулах гэснийг нутгийн иргэд эсэргүүцэхэд ийнхүү хэрцгий авир гаргасныг иргэн өөрийн цахим хуудсандаа мэдээллэв.

Соёлын яамны сайд Ч.Номинг “...тооноор орж ирчхээд салбараа мэдэхгүй, сагсалзаад, ажлаа хийж чадахгүй байна” хэмээн хэмээн салбарынхан эсэргүүцсэн бол энэ удаа түүний баян эцэг морьтой, мотоциклтой жирийн малчдын өөрийн үнэтэй машинаараа дайрч алахаас наахнуур хөөн мөргөж унагахыг түмэн олон нүдтэй болгон харлаа.

Монголд тогтсон тэгш бус байдал хэдий газар авсан ч арай ч Хятадууд шиг баячууд нь ядуу малчдыг түмний нүдэн дээр индүүдэж алахаас сийхгүй байдалд хүрнэ гэж бодоогүй монголчууд хиртхийн цочиж байна.

Ил цагаан энэ үйлдлийг хууль хяналтынхан шалгахгүй ямар нэг гогцоорсон инээдтэй шалтгаан хэлээд өнгөрүүлэх нь даанч дотор шатам билээ. Монгол улсын эрүүгийн хуулинд хүнийг санаатай алахыг завдсан бол шууд шоронд ордог заалттай. Хууль яаж хэрэгжихийг харах л үлдлээ.